شەهید عوسمان شەریف فەتحوڵا، لە نسکۆی شۆڕشی ئەیلوول ئاوارەی وڵاتی ئێران بووە، کادر و پێشمەرگەی شۆڕشی گوڵان و ڕاپەڕینە جەماوەرییەکەی خەڵکی کوردستان بووە، لە ژیانی پێشمەرگایەتی یەکجار بریندار بووە، ساڵی ١٩٩١ لە ئازادکردنی شاری کەرکووک لە نزیک پردی خاسێ فیشەکی سەربازی ڕژێمی بەعسی بەرکەوتووە و شەهید بووە.

شەهید عەلی ڕەوف محەمەد، کادری ڕێکخستنەکانی پارتی دیموکراتی کوردستان بووە، زیندانی سیاسی بووە، پێشمەرگەی شۆڕشی گوڵان و ڕاپەڕینە جەماوەرییەکەی خەڵکی کوردستان بووە، لە ژیانی پێشمەرگایەتی یەک جار بریندار بووە، لە ساڵی ١٩٩١ لە ناو شاری سلێمانی شەهید بووە.

شەهید سەلاح محەمەد شەریف، پێشمەرگەی شۆڕشی گوڵان بووە، ساڵی ١٩٨٨ لەگەڵ دوو هاوسەنگەری لە دەشتی شارەزوور کەوتوونەتە بۆسەی جاشی ڕژێمی بەعس و شەهید بوونە.

شەهید ساڵح ڕەشید، پێشمەرگەی شۆڕشی ئەیلوول بووە، پلەی سەرپەل و نووسەری لقەکەی وەرگرتووە، ساڵی ١٩٦٩ لە ڕووبەڕووبوونەوەی هێرشی سەربازی ئەوکاتی عێراق بۆ سەر سەنگەری پێشمەرگە فیشەکی بەرکەوتووە و شەهید بووە.

شەهید سەباح محەمەد عارف، لە دوای نسکۆی شۆڕشی ئەیلوول ئاوارەی وڵاتی ئێران بووە، پێشمەرگەی شۆڕشی گوڵان بووە، ساڵی ١٩٨١ لە دەشتی شارەزوور لەگەڵ دوو هاوسەنگەری کەوتوونەتە بۆسەی هیزێكی یه‌كێتی و شەهید بووە.

مەلاشنى قورتاس سمایل (١٩٢٠-١٩٦٣)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) کردووە و فەرماندەى هێز بووە.

مەلا ساڵح عەلى سلێمان (١٩٢٧-٢٠١٣)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥)و شۆڕشى گوڵان (١٩٧٦-١٩٩١) و ڕاپەڕینى بەهارى ١٩٩١ کردووە، کردووە، پلەی سەرپەل بووە، هەڵگرى میدالیاى بارزانییە.

شەریف تاجەدین (١٩٣٠-١٩٨٥)، ناسراو بە مەلا شەریف، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥)و شۆڕشى گوڵان (١٩٧٦-١٩٩١) کردووە.

شاهین ئیبراهیم شاهین (١٩٢٩-١٩٨٣)، پێشمەرگە و هەڤاڵى بارزانى بۆ یەکێتى سۆڤیەت، یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) کردووە و سەرپەل بووە.

شاکر ئۆغز زولفەقار (١٩٢١-٢٠٠٨ )، ناسراو بە شاکر بەگ ئۆغز بەگ، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥)، پلەى سەرپەل و فەرماندەى هێزى وەرگرتووە.

فه‌یزۆ سه‌لیم خان، فه‌رمانده‌و پێشمه‌رگه‌ی شۆڕشی ئه‌یلوول و گوڵان، له‌ده‌سپێكی شۆڕشی ئه‌یلوول په‌یوه‌ندی به‌هێزی پێشمه‌رگه‌ی كوردستان ده‌كات، به‌شداری چه‌ندین شه‌ڕی كردووه‌، دوای کۆنگرەی ٩ی پارتی دیموکراتی کوردستان بە بڕیاری سەرکردایەتی پارتی دەبێتە فەرماندەی بارەگای مەکتەبی سیاسی لە ڕاژان، لە رۆژی١٧ لەسەر ١٨ی تشرینی دووەمی١٩٨٠ شه‌هید بووه‌.

ئەو داستانه‌ لە ١٥ى تشرینى دووەمى ١٩٨٠ لە ناوچەى حاجی ئۆمەران ڕوویدا، کاتێک کە شەڕى نێوان عێراق و ئێران ڕوویدا سەرکردایەتى شۆڕش ویستى دەرفەتى ئەوە بقۆزێتەوە ئەگەر دۆخى سوپاى عێراق لە سنوورى حاجی ئۆمەران شلۆق بووبێ چالاکییەکانى شۆڕش بگوازێتەوە ئەوێ و دەستى بەسەردا بگرێت، بەڵام دۆخى سوپاى عێراق بەو جۆرە نەبوو وەک لە زانیارییەکاندا بەدەستى پێشمەرگە گەیشتبوون بەڵکو جیاواز بوو لە ڕووی بەهێزیەوە، وێڕای ئەمەش کەشوهەواى ناوچەکەش هاندەر نەبوو کە پێشمەرگە بتوانێ ئامانج بپێکێ.