فەرهاد سمایل زاهیر ناسراو بە (فەرمان سمایل گەردی)، ساڵی ١٩٩١ پەیوەندی بە ڕێکخستنەکانى پارتی دیموکراتی کوردستان کردووە، لە ڕۆژی ٢٤ی کانونی یەکەمی ساڵی ١٩٩٥، لە گوندی قەلێتان لەدەڤەری سیدەکان لەشەڕی بەرگریکردن لە سەروەری یاسا بەدەستی چەکدارانی پەکەکە (pkk) شەهید بووە.

فەرمان حەمەد سەمەد، لەساڵی ١٩٩١ پەیوەندی بە ڕێکخستنەکانى پارتی دیموکراتی کوردستان کردووە، لە ڕۆژی ١٨ی حوزەیرانی ساڵی ١٩٩٨، لە چیای سەقەر لەدەڤەری سیدەکان لەشەڕی بەرگریکردن لە سەروەری یاسا بەدەستی چەکدارانی پەکەکە (pkk) شەهید بووە.

شەڕی دەشتمرێ چالاکییەکى پێشمەرگە بوو بەرانبەر بنکەیەکى سەربازیی سوپاى عێراق و تێیدا هێزێکى پێشمەرگەى سەر بە لێژنەى ناوچەى زاخۆ لە شەوى ٩ لەسەر١٠ى شوباتى ١٩٨٧، هێرشیان کردە سەر ڕەبایەیەکى سوپاى عێراق لە نزیک گوندى دەشتمرێ لە ناحیەى ئیبراهیم خەلیل (ڕزگارى) دەڤەرى بادینان و بە ماوەیەکى کەم توانیان بچنە ناو بنکە سەربازییەکە.

سەلیم دەرباس حەمەد ناسراو بە (سەعدۆ کورکی)، لەساڵی ١٩٣٧ لە زاخۆ لەدایک بووە، ساڵی ١٩٦١ پەیوەندى بە هێزى پێشمەرگە کردووە، ساڵی ١٩٧٠ کراوە بە سەرلق، ساڵی ١٩٧٩ لە کۆنگرەی نۆیەمی پارتی بەشداری دەکات، ساڵی ١٩٨٧ ئەندامی لێژنە و بەرپرسی بەشی سەربازی لێژنەی ناوچەی زاخۆ بووە. ساڵی ١٩٩٥ پلەى فەرماندەی هێزی ١٧ی سوپای یەکی زاخۆی وەرگرتووە. لە هەڵگرانی مەدالیای بارزانی یە، ساڵی ٢٠١٢ کۆچی دوایی کردووە.

ئەنفال شاڵاوی کۆمەڵکوژى و لەناوبردن و سڕینەوەى نەتەوەى کورد بوو. لە چەند قۆناغێکى جیاواز ڕژێمى بەعس ئەنجامی دا، لە ساڵى ١٩٧١ لە دژى کوردە فەیلییەکان، ساڵى ١٩٨٣ بەرانبەر بە بارزانییەکان و ساڵى ١٩٨٨ سەرجەم خاکی کوردستان گرتەوە، ئەم شاڵاوە لێسەندنەوەى ڕەگەزنامە، سوتاندنى گوند و لادێکان، گرتن و ڕاگواستن و زیندەبەچاڵکردن و کوشتنى هاوڵاتیانى سڤیلى کوردستانى لێکەوتەوە، سەرەنجامەکەشى بێسەروشوێنکردن و زیندەبەچاڵکردنی نزیکەى ١٨٢ هەزار هاوڵاتى بێ تاوانی کوردستان بوو.

عەبدولقادر ڕەشید میرزا، ساڵی ١٩٩١ پەیوەندی بە ڕێکخستنەکانی پارتی دیموکراتی کوردستان کردووە، لە ڕۆژی ١٨ی حوزەیرانی ساڵی ١٩٩٨ لە چیای سەقەر لە دەڤەری سیدەکان لە شەڕی بەرگریکردن لە سەروەری یاسا بەدەستی چەکدارانی پەکەکە شەهید بووە.

عومەر ساڵح خالند، لەساڵی ١٩٩١ پەیوەندی بە ڕێکخستنەکانی پارتی دیموکراتی کوردستان کردووە، لە ڕۆژی ٣ی ئابی ١٩٩٧ لەئەنجامی تەقینەوەی مینێک کە لەلایەن چەکدارانی پەکەکەوە دانرابوو لەشەڕی بەرگریکردن لەسەروەری یاسا لەچیای ڕۆبی و ڕواڵ لەدەڤەری سیدەکان شەهید بووە.

سەلام سەعید ئیبراهیم، لەساڵی ١٩٩٨ پەیوەندی بە ڕێکخستنەکانی پارتی دیموکراتی کوردستان کردووە، لە ڕۆژی ٢ی ئەیلوولی هەمان ساڵ لەشەڕی بەرگریکردن لەسەروەری یاسا لەچیای گرداڵ لە دەڤەری سیدەکان بەدەستی چەکدارانی پەکەکە شەهید بووە.

خالید محەمەد ئیبراهیم حسێن ناسراو بە (خالید شلی)، لە ساڵی ١٩٤٣ لە پارێزگای دهۆک لەدایکبووە، ساڵی ١٩٦٢ پەیوەندی بە پارتی دیموکراتی کوردستانەوە دەکات و هەمانساڵ چووتە ڕیزی پێشمەرگەی شۆڕشی ئەیلوول، دوای نسکۆی شۆڕشی ئەیلوول ئاوارەی وەڵاتی ئێران بووە، بەشداری شۆڕشی گۆڵانی کردوە، لەگەڵ ڕاپەڕینی ساڵی ١٩٩١ خەڵکی کوردستان گەڕاوتەوە باشوورى کوردستان، ساڵی ٢٠٠٤ بەرپرسی دەزگای ئەیلوول لە ئاکرێ بووە، لە هەڵگرانی مەدالیای بارزانی یە.

عەلى تێلى کەمى ناسراو بە عەلى تێلى، ساڵى ١٩٤٥ لە گوندى بێبۆ لە ناحیەى نێروە و ڕێکانى سەر بە قەزاى ئامێدى پارێزگاى دهۆک لە دایک بووە، ساڵى ١٩٦١ پەیوەندى شۆڕشى ئەیلوول کردووە، لە ١٦ی کانوونى یەکەمى ٢٠١٠ لە لەلایەن سەرۆک مەسعود بارزانی مەدالیای بارزانی نەمری پێ بەخشراوە.

شەهید ستار ئەحمەد نەبی، لەساڵی ١٩٩١ پەیوەندی بە پارتی دیموکراتی کوردستان دەکات، لە ڕۆژی ٩ی تەمموزی ١٩٩٨ لە چیای کوچەی هاجەر سەربە قەزای سیدەکان لەشەڕی بەرگریکردن لە سەروەری یاسا بەدەستی چەکدارانی پەکەکە شەهید بووە.

شەهید ڕزگار نەبی ڕەسول، لەساڵی ١٩٩١ پەیوەندی بە پارتی دیموکراتی کوردستان دەکات، لە ڕۆژی ٢١ی ئابی ساڵی ١٩٩٦ لەشەڕی ناوخۆ لە چیای بۆڵێ لە دەڤەری سیدەکان بەدەستی چەکدارانی ینک شەهید بووە.