ئه‌م كۆنفڕانسه‌‌ له‌ ڕێکەوتى ١٨ی تشـرینی دووه‌می ساڵى ٢٠١٧، له‌ هۆڵی شه‌هید مه‌ئمون ده‌باغ، له‌ باره‌گای مه‌كته‌بی سكرتاریه‌تی یه‌كێتی قوتابیانی كوردستان له‌ شاری هه‌ولێر، بە دروشمی (یه‌كێتی قوتابیان؛ نوێ بوونه‌وه‌ و به‌رده‌وامی) و به‌ ئاماده‌ بوونی ٦٥ نوێنه‌ر به‌سترا١.

ساڵى ١٩٨٦، هەردوو ڕێکخراوى یەکێتى قوتابیانى کوردستان و یەکێتى لاوانى دیموکراتى کوردستان بەهۆى ئەو بارودۆخە ناهەموارەى باشوورى کوردستانى تێکەوتبوو و بەهۆى لێکنزیکى خەباتی پیشەیی هەردوو ڕێکخراوەکە لە یەکترییەوە، بۆ ماوەیەکى کاتى بڕیارى بەستنى کۆنفرانسێکى هاوبەشیان دا.

لە مانگى ئادارى ساڵى ١٩٦٢، یەکەمین کۆنفرانسـى ڕێکخراوى یەکێتى قوتابیانى کوردستان، بەهۆى چەند پێشهاتێکى سیاسى ناوچەیی و گۆڕانکارى لە پەیکەرییەتى نێوخۆی ڕێکخراوەکە، بەشێوەیەکى نهێنى لە شارى بەغدا بەسترا.

کۆنفرانسـى دووەمى یەکێتى قوتابیانى کوردستان، دواى سەرکەوتوو نەبوونى سەرکردایەتى هەڵبژێردراوى کرنگرەى چوارەمى ڕێکخراوەکە لە ڕاپەڕاندنى ئەرک و کارەکانیان، لە سەرەتاى مانگى ئابى ١٩٦٤ لە ناوچەى کانى ماسى نزیک شارى سلێمانى بەسترا.

کۆنگرەى چواردەیەمینى یەکێتى قوتابیانى کوردستان لە ڕێکەوتى ٣ى تشـرینى دووەمى ٢٠١٢، لە شارى هەولێرى پایتەختى هەرێمى کوردستان بەسترا.

کۆنگرەى سێزدەیەمینى یەکێتى قوتابیانى کوردستان لە ڕێکەوتى ٢٤ى شوباتى ٢٠١٠، لە شارى هەولێرى پایتەختى هەرێمى کوردستان بەسترا.

کۆنگرەى دوازدەیەمى یەکێتى قوتابیانى کوردستان، لە ڕێکەوتى ٢٣ى ئەیلوولى ٢٠٠٧، لە شارى هەولێرى پایتەختى هەرێمى کوردستان بەسترا.

کۆنگرەى یازدەیەمى یەکێتى قوتابیانى کوردستان، دواى پڕۆسەى ئازادى عێراق ساڵى ٢٠٠٣ لەلایەن وڵاتانى هاوپەیمانەوە، ساڵى ٢٠٠٤ بۆ یەکەمجار لە شارى دهۆک بەسترا.

کۆنگرەى دەیەمى ڕێکخراوى یەکێتى قوتابیانى کوردستان، ساڵى ٢٠٠١ لە کەشێکى ئارامدا لە شارى هەولێرى پایتەختى هەرێمى کوردستان بەسترا.

کۆنگرەى هەشتەم (ئازادى) یەکێتى قوتابیانى کوردستان، دواى ڕاپەڕینى بەهارى ساڵى ١٩٩١، بە مەبەستى خۆ ڕێکخستنەوە و جیابوونەوە لە ڕێکخراوى یەکێتى لاوانى دیموکراتى کوردستان، ساڵى ١٩٩٣ لە شارى هەولێرى پایتەختى هەرێمى کوردستان بەسترا.

کۆنگرەى حەوتەمى یەکێتى قوتابیانى کوردستان لە ڕێکەوتى ٣٠ى ئادارى ١٩٧٢، لە سایەى ڕێککەوتنى ١١ى ئادارى نێوان سەرکردایەتى شۆرش و حکومەتى ناوەندى عێراق لە کەشێکى ئازاد لە شارى سلێمانى بەسترا.

دواى ڕاگەیاندنى ڕێککەوتننامەى ١١ى ئادارى ١٩٧٠، کۆنگرەى شەشەمى یەکێتى قوتابیانى کوردستان، لە کەشێکى ئازاد و بەشێوەیەکى ئاشکەرا، لە ڕێکەوتى ١٥ى تەمووزى ١٩٧٠، لە گوندى ناوپرادنى سەر بە پارێزگاى هەولێر بەسترا.