ڕۆژی ٣ی تشرینی دووه‌می ٢٠٢٢ کۆنگرەی چواردەیەم له‌ شاری دهۆك و به‌ ئاماده‌بوونی ١٠٢٢ نوێنه‌ر  له‌ كۆی ١٠٦٥ نوێنه‌ر كه‌ مافی به‌شداریكردنی كۆنگره‌یان هه‌بوو له‌ سه‌رجه‌م ڕێكخستنه‌كانی پارتی له‌ ژێر (دروشمی ئازادی، دیموكراسی و دادپه‌روه‌ری) ده‌ستی به‌ كاره‌كانی خۆی كرد.

پارتی دیموکراتی کوردستان (پ.د.ك)، به‌ ڕێنووسی لاتینی (Partiya demokrata kurdestanê)، به‌ زمانی ئینگلیزی (kurdistan democratic party) و به‌ زمانی عه‌ره‌بی (الحزب الدیموقراطي الكوردستاني)، پارتێکی نیشتمانی دیموکراتیی جەماوەرییە، له‌ ڕێكه‌وتی ١٦ی ئابی ١٩٤٦ به‌ سه‌رۆكایه‌تی سه‌رۆك مسته‌فا بارزانی له‌ شاری به‌غدا به‌ شێوه‌یه‌كی نهێنی دامه‌زرا....

شۆڕشی گوڵان- (شۆڕشی گوڵانی پێشكه‌وتنخواز – ٢٦ی گوڵانی ١٩٧٦). ‌ له‌ لایه‌ن پارتی دیموكراتی كوردستانه‌وه‌ به‌ سه‌رپه‌ر‌شتی سەرۆک مەسعود بارزانی دژی حكوومه‌تی به‌عسی عێراق له‌ باشووری كوردستان هه‌ڵگیرسا و تا ڕاپه‌ڕینی به‌هاری ساڵی ١٩٩١ به‌رده‌وام بوو.

كۆنگره‌ی سێزدەیەمی پارتی دیموكراتی كوردستان (پارتی دیموکراتی کوردستان - ١١ی كانوونی یه‌كه‌می ٢٠١٠ )دوای ڕووخانی ڕژێمی به‌عسی ده‌سه‌ڵاتدار له‌ عێراق ساڵی ٢٠٠٣ و گۆڕانكاری گه‌وره‌ی سیاسی له‌ عێراق و هه‌رێمی كوردستان، له‌ كه‌شێكی ئاسایی له‌ شاری هه‌ولێری پایته‌ختی هه‌رێمی كوردستان ئه‌نجامدرا.

كۆنگره‌ی یه‌كه‌م یاخود (دامه‌زراندن)ی پارتی دیموكراتی كوردستان - (پارتی دیموكراتی كوردی عێراق - ١٦ی ئابی ١٩٤٦)، له‌سه‌ر ڕاسپارده‌ی ژه‌نه‌راڵ مسته‌فا بارزانی له‌ بەغدا بە ئاماده‌بوونی ٧٠ نوێنەر له‌ كه‌سایه‌تییه‌كانی‌ كوردی باشووری كوردستان، به‌شێوه‌یه‌كی نهێنی به‌سترا و تێیدا دامه‌زراندنی پارتێكی سیاسی نوێ له‌ باشووری كوردستان ڕاگه‌یه‌نرا.

كۆنگره‌ی هه‌شته‌می پارتی دیموكراتی كوردستان- (پارتی دیموكراتی كوردستان - عێراق – ١ی ته‌مووزی ١٩٧٠)، دوای ڕێككه‌وتننامه‌ی ١١ی ئاداری ١٩٧٠ له‌ گوندی ناوپردان ئه‌نجامدرا.....

كۆنفرانسی به‌غدای پارتی دیموكراتی كوردستان (كۆنفرانسی به‌غدای پارتی دیموكراتی كوردی عێراق - سه‌ره‌تای ساڵی ١٩٥٠) ئه‌م كۆنفرانسه‌ له‌ لایه‌ن لێژنه‌ ناوچه‌ی به‌غداوه‌ به‌سترا، وه‌ك كاردانه‌وه‌یه‌ك به‌رامبه‌ر كۆبوونه‌وه‌ی كۆیه‌ی ساڵی ١٩٥٠ كه‌ مه‌به‌ستیان بوو كۆمیته‌یه‌كی ناوندی كاتی و ئاماده‌كاری بۆ به‌ستنی كۆنگره‌ی دووه‌می پارتی بكه‌ن....

كۆنگره‌ی سێیه‌می پارتی دیموكراتی كوردستان- (پارتی دیموكراتی كوردستان - عێراق – ٢٦ی كانوونی دووه‌می ١٩٥٣)، له‌ژێر كاریگه‌ی جیابوونه‌وه‌ی باڵی هه‌مزه‌ عه‌بدوڵا له‌ حزب، له‌ شاری كه‌ركووك به‌سترا.

كۆنگره‌ی گشتی كۆیه‌ - (كۆنگره‌ی گشتی نیشتمانی كۆیه‌ – ١٨ی ئاداری ١٩٦٣)، له‌سه‌ر پێشنیاری سه‌رۆك مسته‌فا بارزانی فه‌رمانده‌ی گشتی شۆڕشی ئه‌یلوول و به‌ ئاماده‌بوونی ئه‌ندامانی مه‌كته‌بی سیاسی پارتی دیموكراتی كوردستان و كه‌سایه‌تییه‌ نیشتمان په‌روه‌ره‌كان له‌گشت چین و توێژه‌ جیاكان له‌ شاری كۆیه‌ به‌ مه‌به‌ستی دانووستان له‌گه‌ڵ حكومه‌تی به‌عسی عێراقی ئه‌نجامدرا.

كۆنگره‌ی دووه‌می پارتی دیموكراتی كوردستان- (پارتی دیموكراتی كوردی عێراق – ١٣ی ئاداری ١٩٥١)، دوای گه‌ڕانه‌وه‌ی هه‌مزه‌ عه‌بدوڵا و دروستكردنی مه‌كته‌بی سیاسی نوێی پارتی له‌ ١٣ی ئاداری ١٩٥١ له‌ شاری به‌غدا به‌سترا.

شۆڕشی ئه‌یلوول- (شۆڕشی نه‌ته‌وه‌یی ئه‌یلوول – ١١ی ئه‌یلوولی ١٩٦١). ‌ به‌ سه‌رۆكایه‌تی مسته‌فا بارزانی دژی حكومه‌تی كۆماری عێراق له‌ باشووری كوردستان هه‌ڵگیرسا، تا ساڵی ١٩٧٥ و ڕێككه‌وتننامه‌ی جه‌زائیر به‌رده‌وام بوو.

له‌ ڕێكه‌وتی ١٤ی كانوونی یه‌كه‌می ١٩١٤ دوای له‌ سێداره‌دانی شێخ عه‌بدولسه‌لام بارزانی له‌لایه‌ن ده‌وڵه‌تی عوسمانیه‌وه‌، شێخ ئه‌حمه‌د بارزانی له‌ ته‌مه‌نی ١٨ ساڵی دا جێگای برا گه‌وره‌كه‌ی گرته‌وه‌ و بووه‌ ڕێبه‌ری ئایینی و كۆمه‌ڵایه‌تی له‌ ناوچه‌ی بارزان.