شەهید کەریم فەتاح قادر، ساڵی ١٩٠٢ لە گوندی حەسەن‌ئاوای سەربە پارێزگای هەڵەبجە لەدایکبووە، گوندنشین بووە و سەرقاڵی جوتیاری بووە، کەریم فەتاح قادر خێزاندار بووە و خێزانی ناوی کافیە محەمەد بووە و خاوەنی دوو كوڕ و دوو کچ بووە کە یەکێک لە کوڕەکانی بەناوی عومەر هاوسەنگەری بووە و لەگەڵ خۆی شەهید بووە، هەروەها كوڕ و كچەکانی ناویان ئەحمەد، خاوەر، بەهیە بووە.
ساڵی ١٩٦٣ لە ڕێگەی شانەی سەرەکی عەبدوڵا بەغدادی سەربە ڕێکخراوی نەوڕۆڵی لە لقی فەرەجی حاجی مەحمود کە سەربە بەتالیۆنی خەباتی پارتی دیموکراتی کوردستان بووە بۆتە پێشمەرگە.
ساڵی ١٩٦٣ لەگەڵ شەهید حەمە گوڵپی و دەستەیەک هاوسەنگەری گەڕاونەتەوە گوندی حەسەن‌ئاوا بۆ پشوویەکی کورت و دابینکردنی پێویستیەکانیان، بەڵام ئاشکرا کراون و هێزێکی زۆری ڕژێمی ئەوکاتی عێراق گەمارۆی گوندەکەیان داوە و دوای ڕووبەڕووبوونەوە، حەمە گوڵپی و چەند هاوسەنگەرێکی خۆیان دەرباز کردووە و کەریم فەتاح قادر و سێ هاوسەنگەری بە ناوەکانی عومەر کەریم فەتاح، حاجی کەریم، ساڵح محەمەد عەلی دەستگیر کراون و لە دەروازەی گوندەکە گوله باران کراون و شەهید بوونە.
سەرچاوە:
- ئەرشیفی دەستەی ئینسکلۆپیدیای پارتی دیموکراتی کوردستان.
