ڕەشید ساڵح ڕەشید، ساڵی ١٩٧٣ لە گوندی ستونی سەربە ناحیەی شێروان مەزن قەزای مێرگەسۆر لە پارێزگای هەولێر لە دایک بووە. خێزاندار بووە و خاوەنى چوار منداڵ بووە، تا پۆلى سێی ناوەندى خوێندووە. ساڵى ١٩٩٠ ئاوارەى وڵاتى تورکیا بووە و ساڵى ١٩٩١ دواى ڕاپەڕینى جەماوەرى باشوورى کوردستان گەڕاوەتەوە کوردستان و لە گوندى لێلوک نیشتەجێ بووە.
ساڵی ١٩٨٥ پەیوەندی بەڕێکخستنەکانى پارتى دیموکراتى کوردستان کردووە لە سنوورى لێژنە ناوچەى مێرگەسۆر. ساڵى ١٩٩١ داوى ڕاپەڕینى جەماوەرى باشوورى کوردستان پەیوەندى بە هێزی پێشمەرگەى پارتى دیموکراتى کوردستان کردووە و لە لاى فەرماندە مەلحەم درى بۆتە پێشمەرگە لە سوپاى بارزان. ساڵى ١٩٩٣ بۆتە ئەندامى کۆنگرەى ١١ى پارتى دیموکراتى کوردستان. ساڵى ١٩٩٤ گوازراوەتەوە بۆ هێزی ١٠٤ بە فەرماندەیی حەمید ئەرگۆشى و بۆتە بەرپرسی ڕێکخستنى هێز.
ساڵى ١٩٩٦ لە شەڕێکى بەرگرى لە گوندى مێرۆزى دەڤەرى مزورى باڵا دژى چەکدارانى pkk بەسەختى بریندار بووە، ساڵى ١٩٩٧ لە گوندى مێرۆز لەلایەن چەکدارانى pkk شەهید کراوە و تەرمەکەى لە گۆڕستانى گوندى لێلوک بەخاک سپێردراوە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
