ئەمین حەمەکەریم ئیبراهیم عەبدوڵا ناسراو بە کوێخا ئەمینی دەرگاشێخان، ساڵی ١٩١٧ لە گوندی دەرگا شێخانی سەربە ناحیەی بیارەی دەڤەری هەورامان لە دایکبووە، گوندنشین بووە و سەرقاڵی کاری جوتیاری و باخداری بووە، خێزاندار بووە و خێزانی ناوی نازەنین بووە، خاوەنی دوو کوڕ و سێ کچ بووە بهناوهكانی حهمهخان، میرزا، قهدهمخێر، پهروین، حومێرا.
ساڵی ١٩٨٨ حەمەخان ئەمینی كوڕی لە داستانی خواکوڕک شههید بووه، ساڵی ١٩٨٨ میرزا ئهمینی كوڕی له کیمیابارانی شاری هەڵەبجە شههید بووه.
ساڵی ١٩٦١ بۆتە پێشمەرگە لە پەلی هەورامان بهفهرماندهیی شێخ حەمەئەمین، سەربە بەتالیۆنی خەباتی پارتی دیموکراتی کوردستان.
لە ١٢ی ئهیلوولی ١٩٦٣ لیوای ٢٠ی سوپای عێراقی ئەوکات بە فەرماندەیی لیوا زەعیم سدیق هەوڵیانداوە هێرش بکەنه سەر شاری هەڵەبجە و سەنگەرەکانی چواردەوری، بەڵام هێزێکی پێشمەرگە بۆ ڕێگری لێیان لەسەر پردی زەڵم سەنگەریان دروست کردووە و کە نزیک بوونەتەوە ڕووبەڕوویان بوونهتهوه. ئەمین حەمەکەریم بەژداری لەو داستانەدا کردووە و دوای چەند کاتژمێر لە ڕووبەڕوو بونەوە و تێکشکاندنی چەند ئۆتۆمبیڵ و تانکێک، ئەمین حەمەکەریم و چەند هاوسەنگەرێکی شەهید بوونەوە دواتر دەبابەی ڕژێمی ئەوکاتی عێراق بەسەر لاشهكانیاندا ڕۆشتووە.
سهرچاوه:
ئهرشیفی دهستهی ئینسكلۆپیدیای پارتی دیموكراتی كوردستان.
