شەهید ئەحمەد حەمەکەریم، ساڵی ١٩٧٤ پەیوەندی بە هێزى پێشمەرگەى شۆڕشی ئەیلوول کردووە و لە لقی دووی بەتالیۆنی سێی قەرەداغی سەربە هێزی کەرکووکی پارتی دیموکراتی کوردستان بۆتە پێشمەرگە، لە ساڵی ١٩٧٤ بەشداری شەڕی چیای بەمۆ، شەڕی دەربەندیخان، شەڕی چیای قەرەداغ و شەڕی چیای زۆزک کردووە.
لە تشرینی یەکەمی ١٩٧٤ دوای گرتنەوەی چەند ڕەبایەیەکی سەربازی ڕژێمی ئەوکاتی عێراق لە کێوە ڕەشی چیای زۆزک، لەلایەن تۆپخانەکانی ڕژێمەوە بە چڕی تۆپبارانی ڕەبایەکان کراوە و ئەحمەد حەمەکەریم شەهید بووە، لەلایەن هاوسەنگەرانیەوە تەرمەکەى دەگوازرێتەوە ناحیەی خورماڵ و لە گۆرستانی خورماڵ بە خاکیان سپاردووە.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
