English العربية کوردی Kurdî

ئێدێت مۆبێت

ئێدێت مۆبێت، ناسراو بە مەدام کۆچێرا، لە ساڵى ١٩٦٩ەوە کارى ڕۆژنامەنووسی و وێنەگرى دەکات، پسپۆری ڕۆژهەڵاتی ناوەڕاست و کوردستانە و ساڵى ١٩٧١ ژمارەیەک وتارى لەسەر کوردستان لە ڕۆژنامە و گۆڤارە فەڕەنسى و نێودەوڵەتییەکان بڵاوکردۆتەوە، بەهۆى ئەو خزمەتانەى پێشکەشى کورد و کوردستانى کردووە، لە ساڵی ٢٠١٠ و لە کۆنگرەی سێزدەیەمی پارتی دیموکراتی کوردستان لەلایەن سەرۆک مەسعود بارزانى میدالیاى بارزانى پێ بەخشراوە.

ئێدێت مۆبێت، ناسراو بە (مەدام کۆچێرا)، ساڵى ١٩٤٠ لە پاریسی پایتەختى وڵاتى فەڕەنسا لەدایک بووە، بڕوانامەى لە زانستى ئابووری لە زانکۆى پانتیۆن لە پاریس بەدەستهێناوە، هاوسەرى کرێس کۆچێراى ڕۆژهەڵاتناسى فەڕەنسى بووە.

لە ساڵى ١٩٦٩ەوە کارى ڕۆژنامەنووسی و وێنەگرى دەکات، لەگەڵ کرێس کۆچێرای هاوسەرى دەزگاى سەربەخۆی (فرى لانس  Free lance)ى بۆ کارى ڕۆژنامەنووسى لە پاریسى پایتەختى فەڕەنسا دامەزراندووە، پسپۆری ڕۆژهەڵاتی ناوەڕاست و کوردستانە و ساڵى ١٩٧١ ژمارەیەک وتارى لەسەر کوردستان لە ڕۆژنامە و گۆڤارە فەڕەنسى و نێودەوڵەتییەکان بڵاوکردۆتەوە، ئێدێت مۆبێت کۆچێرا شان بەشانى کرێس کۆچێراى هاوسەرى بەشدارى لە نووسینى توێژینەوەکان کردووە، چەندین جار هاتۆتە کوردستان و وێنە و ئەرشیفێکی دەوڵەمەندى لەسەر پرسی کورد و کوردستان هەیە، کرێس کۆچێراى هاوسەرى سوودێکى زۆرى لە ئەرشیف و وێنەکانى وەرگرتووە بۆ کتێبەکانى، خاتوو کۆچێرا هەواڵنێرێکى بەتوانا بووە و یەکێک بووە لەو هەواڵنێرانەى کە بە کامێراکەى توانیویەتى وێرانکارى شارى قەڵادزێ و تاوانەکانى حکومەتى عێراق و سەدام حسێن پیشانى ڕاى گشتى جیهان و خەڵک بدات.

ئێدێت مۆبێت لە ڕۆژانى ١١-١٨ى کانوونى یەکەمى ٢٠١٠ وەک میوان بەشدارى کۆنگرەی سێزدەیەمی پارتی دیموكراتی كوردستان ى کردووە، بەهۆى ئەو خزمەتانەى پێشکەشى کورد و کوردستانى کردووە، لەلایەن سەرۆک مەسعود بارزانی میدالیاى بارزانى  پێ بەخشراوە.

بەرهەمەکانى:

١- ئێرترە ١٩٩٤

٢- مێژووى کوردستان ٢٠٠٧

سەرچاوە:

١- ئەرشیفی دەستەی ئینسکلۆپیدیای پارتی دیموکراتی کوردستان.

بابەتی پەیوەندیدار

حەسەن شێخ مستەفا بۆسەلی

حەسـەن شــێخ مســتەفا بۆســەلى، ســاڵی ١٩٤٨ لە گونــدی بۆسەل لە قەزای زاخــۆی پارێزگاى دهۆک لەدایک بووە. ساڵی ١٩٦٧ چووەتە ڕیزی پێشمەرگەکانی هێزی زاخۆ، دوای نسکۆی شؤڕشی ئەیلول لەساڵی ١٩٧٥، ئاوارەی وڵاتی ئێران بووە، دوای ڕاپەرینەکەی ساڵی ١٩٩١ گەڕاوەتەوە بۆ باشوری کوردستان، ساڵی ٢٠٠٣ کراوە بەفەرماندەی عەمەلیاتی سوپای چوار، لەرۆژی ١٦ی کانونی یەکەمی ٢٠١٣ میدالیای بارزانی پێ بەخشراوە.

زانیاری زیاتر

جەعفەر مستەفا مەعروف

جەعـفەر مسـتەفا مەعـروف ناسـراو بە (شـــێخ جەعـــفەری جامانەســـور)، ســـاڵی ١٩٥٧ لەگونــدی گوندی سەرکان ناوچە ســرۆچک سەربە ناحییەی بەرزنجەی پارێزگــای سلێمانی لەدایـک بـووە، سـاڵی ١٩٧٠ پەیوەندى بە ڕیــزی یەکێتــی قوتابیــانی کوردســتاندا کردووە، لەساڵی ١٩٩٢ قایمقامی پێنجوێن بووە، ١٩٩٦ بە قایمقامی هەڵەبجەی شەهید دەستنیشان کراوە، سالانی ٢٠٠٣- ٢٠٠٥ وەکو قایمقامی شاری ئاکرێ لە ئەرکدا بووە

زانیاری زیاتر

فەقێ ئەحمەد پشدەری

ئەحمەد محەمەد ئەبوبەکر، ناسراو بە (فەقێ ئەحمەد پشدەرى)، ساڵى ١٩٢٢ لە گوندى دەلگە لە ناوچەى پشدەر لە ناحیەى هێرۆ سەر بە قەزاى قەڵادزێ پارێزگاى سلێمانى لە دایک بووە، ساڵى ١٩٥٨ پەیوەندى بە ڕیزەکانى پارتى دیموکراتى کوردستان کردووە، ساڵى ١٩٦١ پەیوەندى بە هێزی پێشمەرگەى شۆڕشی ئەیلوول کردووە، ساڵى ١٩٧٥ دوای نسکۆی شۆڕشی ئەیلوول (١٩٦١- ١٩٧٥) ئاوارەى وڵاتى ئێران بووە، لە ٤ى تشرینى یەکەمى ١٩٧٩ وەک ئەندامى کۆنگرە بەشدارى لە کۆنگرەى نۆیەمى پارتى دیموکراتى کوردستانی لە ڕۆژهەڵاتی کوردستانی کردووە.

زانیاری زیاتر

خالید تەها عەلی

خالید تەھا عەلی ساڵی ١٩٤٥ لە پارێزگای دھـۆک لەدایـــــک بـــــووە. ڕۆژی ٤ی نیسانی١٩٦٢ پەیوەندی بە شۆڕشی ئەیلوولەوە کردووە، ساڵی ١٩٧٠ بووەتەسکرتێری سەندیکای کرێکـارانی دھـۆک، دوای نسکۆی شۆرشی ئەیلوول لەساڵی ١٩٧٥ئاوارەی رۆژهەڵاتی کوردستان، لەساڵی ١٩٨٩ چووەتە وڵاتی نەمسا، ساڵی ١٩٩٩ گەراوەتەوە بۆ کوردستان، لە رۆژی ١٥ی کانونی یەکەمی ٢٠١٠ میدالیای بارزانی پێ بەخشراوە.

زانیاری زیاتر

حەمید حەیدەر ئەرگوشی

حەمیـد حەیـدەر ئەحمەد، ناسراو بە (حەمید ئەرگۆشى)، لە دایک بووی گوندى ئەرگۆشى ناحیەى شێروان مەزنە، ساڵى ١٩٥٩ پەیوەندى بە ڕیزەکانى پـارتی دیمـوکراتی کوردسـتان کردووە، ساڵى ١٩٦١ پەیوەندى بەهێزى پێشمەرگەى شۆڕشی ئەیلوول کردووە و بۆتە پێشمەرگە. ساڵی ١٩٧٩ پەیوەندی بە هێزى پێشمەرگەى شۆڕشی گوڵان کردووە، لە ١٥ی کانونی یەکەمی ٢٠١٠ میدالیای بارزانی پێ بەخشراوە.

زانیاری زیاتر