ژیاننامە
ئیسماعیل حاجی خزر باسرمەیی لە ساڵی ١٩٥٠ لە گوندی باسرمەی کۆنـی سەربە قەزای شەقڵاوە لە دایکبووە، گوندنشین بووە و سەرقاڵی کاری جوتیاری بووە، قۆناغی خوێندنی سەرەتایی تەواوکردووە، خێزانی ناوی ساری مەولودە و کوڕەکانی ئیبراهیم، خەلیل، وەلید، ئەمینە و کچەکانی بە ناوی شلێر، سەعدیە، کازیوە، شاناز، خاتون، لە ساڵی ١٩٨٨ شەهید دەبێت.
خەباتنامە
ئیسماعیل حاجی خزر باسرمەیی لە ساڵی ١٩٨٣ پەیوەندی بە ڕێکخراوی ئەزمەر بە بەرپرسیارەتی مەحمود کاوانی سەربە لێژنە ناوچەی شەقڵاوە دەکات، لە ساڵی ١٩٨٤ پلەی ئەندامێتی وەردەگرێت و بەهۆی هەبوونی خوێندەواری دەبێتە کادیری بەشی ڕێکخستن، سەرپەرشتی هەموو کۆبونەوەی شانە نهێنیەکان کردووە و ڕۆڵی دەبێت لەو دەڤەرە بۆ پەرەپێدان و دروستکردنی شانە و کاری ڕێکخراوەیی، لە هەمانکاتدا فەرماندەی دەستەی چالاکی ناوشار بووە، هەروەها سەرقاڵی دابینکردنی پێویستییە کەسییەکانی ناو هێزی پێشمەرگە و گەیاندنییان بە شاخ دەبێت، ڕێنیشاندەری شانە نهێنیەکان بووە بۆ پەیوەندیکردن بە هێزەکانی پێشمەرگە لە شاخ، لە رێککەوتی ١٤ی تەممووزی ١٩٨٨ بە مۆڵەتێکی چەند ڕۆژی گەڕاوتەوە ماڵەوە لە گوندی باسرمە، بەڵام ئاشکرا دەکرێت و دەستەیەکی تایبەتی ئەمن بە هاوکاری هێزێکی نەیاری پارتی دیموکراتی کوردستان چواردەوری ماڵیان دەگرن و هەوڵی دەسگیرکردنی دەدەن، بەڵام ئیسماعیل خزر خۆی بەدەستەوە نادات و بەرگری لە خۆی دەکات دوای چەند کاتژمێرێک لە بەرگریکردن شەهید دەبێت.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
