شەهید ئیسماعیل حەسەن لە ساڵی ١٩٧٠ لە گوندی مەلەکانی سەربە ناحیەی خەلیفانی قەزای سۆران لە دایکبووە، دانیشتووی گوند بووە تا تێکدانی گوندەکان لەلایەن ڕژێمی بەعس ڕووی کردۆتە هەولێر و لە کەمپی شاوێس نیشتەجێ و سەرقاڵی کاسبی بازار بووە، ئاستی خوێندەواری سەرەتایی بووە، ئیسماعیل خێزاندار بووە و خاوەنی یەک کوڕ و دوو کچ بووە.
ساڵی ١٩٨٩ پەیوەندى بە هێزى پێشمەرگەى شۆڕشى گوڵان کردووە، لە هێزى جەمال مورتکە بۆتە پێشمەرگە، ساڵى ١٩٩١ بەشدارى ڕاپەڕینى جەماوەرى باشوورى کوردستانى دژى دام و دەزگاکانى حکومەتى عێراق کردووە و بەشدارى ئازادکردنى شارى شەقڵاوە و کۆڕێ و هەولێر و پردێ و کەرکووکى کردووە.
لە ٣١ی ئاداری١٩٩١ دوای پاشەکشەی هێزەکانی پێشمەرگە، ئیسماعیل و دەستەیەک هاوسەنگەری لە بازگەی شاوێسی هەولێر ڕووبەڕووی هێزێکی سەبازی بەعس بوونەتەوە و شەهید بووە.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
