ئومێد قادر، ساڵی ١٩٨٤ پەیوەندى بە پەیوەندی بە هێڵی ١٧ی ڕێکخستنە نهێنیەکانی پارتی دیموکراتی کوردستان لە سنوورى لێژنەی ناوچەی سلیمانی سەربە لقی چوار کردووە.
ساڵی ١٩٨٥ لە بەڕێوەبەرایەتی کارەبای کەرکووک وەک فەرمانبەر دامەزراوە و بۆتە شوفێری تایبەتی ئەندازیارە بیانیەکان، هەر بۆیە لەم ڕێگەیەوە توانیوویەتى هاوکارێکى باشى ڕێکخستنە نیهینییەکانى دەشتی هەولێر و دەشتی کۆیە و ناو شاری کەرکووک و چوار دەوری بێت، وێڕاى ئەو ئەرکەى لەگەڵ ئەوەشدا لە دابینکردنى پێداویستیەکانی هێزی پێشمەرگە بەردەوام بووە.
لە ساڵی ١٩٨٥ بە فەرمانی سەرکردایەتی پارتی، دوو ئەندازیاری بیانی لە شاری کەرکووکەوە بردۆتە دەشتی هەولێر و ڕادەستی هێزی پێشمەرگەی کردوون، کە ئامانج لەم کارەی سەرکردایەتی شۆڕش تەنیا بۆ گۆڕینەوەیان بووە لەگەڵ چەند زیندانیەکی پێشمەرگە کە لە گرتووخانەکانی ڕژێمی بەعس بوونە، هەروەها کۆمەڵێک پەیام و نامیلکەی شۆڕش وەردەگرێت و دەچێتە کۆیە و دواتر دەگەڕێتەوە کەرکووک، ساتی گەیشتنی بە بازگەی شاری کەرکووک بەهۆی دیارنەمانی دوو ئەندازیارەکە، ئومێد قادر دەستبەسەر دەکرێت و دوای پشکنین کۆمەڵیک نامێلکە و پەیامی پارتی لە ئۆتۆمبێڵەکەی دەدۆزرێتەوە و بەو هۆیەوە دەگوازرێتەوە بارەگای ئەمنی گشتی شاری کەرکووک، دوای سێ مانگ لە دەستگیرکردنی ئومێد قادر دەگوازرێتەوە گرتووخانەی ئەبوغرێب و بە بڕیاری دادگای سەورەی بەغدا لە سێدارە دەدرێت.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
