ئهبوبهكر محهممهدئهمین سۆیحهم، ناسراوه به (عهبۆ)، له ساڵی١٩٢٩ له گوندی فهقیانی دۆڵی ئاكۆیانی قهزای ڕواندز پارێزگای ههولێر له دایكبووه، خێزاندار بوە، خاوەنى کوڕ بووە. لە ڕۆژى ١٠ى ئایارى ١٩٦٦ شەهید کراوە.
ساڵى ١٩٦١ لهگهڵ ههڵگیرسانی شۆڕشی ئهیلوول، دهبێته هێزی پشتگیریی میللی له گوندی فهقیان و دواتریش لهلای فهرمانده محهمهد زیاد فهقیانی برای دهبێته پێشمهرگه. بهشداری زۆربهی شهڕەكانی چیای كوڕەك و دارههیشك و ئهو شهڕانهی له دۆڵی ئاكۆیان ڕوویانداوه بهشداریكردووه.
لە ڕۆژى ١٠ى ئایارى ١٩٦٦، له چیای كوڕەك، له دارههیشك، له سنووری گوندی فهقیانی قهزای ڕواندز، له دوای شهڕێكی سهخت بریندار دهبێت، دواتر به برینداری هێرش دهكاته سهر رهبایهی دوژمن و شههید دهبێت و رژێمی بهعس تهرمهكهی دههێنێتهوه قهزای ڕواندز و له گۆڕستانی كۆنی گهرده گهردی ڕواندز به خاك دهسپێردرێت.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
