وەهاب عەلی ڕەحمان جوامێر

وەهاب عەلی ڕەحمان جوامێر، پێشمەرگەی شۆڕشی گوڵان و ڕاپەڕینە جەماوەریەکەی خەڵکی کوردستان بووە، لە ته‌مه‌نی پێشمەرگایەتی دووجار بریندار بووە و پلەی فەرماندەی کەرتی وەرگرتووە، ساڵی ١٩٩١ لە ئازادکردنی شاری کەرکوک و لەناو سەربازگەی خالید گوله‌ی بەرکەتووە و شەهید بووە، جەستەی بەجێ ماوە و یەکێکە لەو شەهیدانەی کە گۆڕی نادیارە.


وەهاب عەلی ڕەحمان جوامێر، ساڵی ١٩٦٣ لە گوندی سەرەقەیسەری سەربە ناحیەی بیارەی دەڤەری هەورامان لە دایکبووە، گوندنشین بووە و سەرقاڵی کاری ئاژەڵداری بووە، تا قۆناغی سەرەتایی خوێندووە.

ساڵی ١٩٨٢ بۆتە پێشمەرگەی ڕێکخراوی عەبابەیلێی سەربە لێژنە ناوچەی هەڵەبجەی پارتی دیموکراتی کوردستان، حەمەتەقێ بەرپرسی ڕێکخراو بووە و بارەگایان لە کەرەجاڵ و وشکەناوی دەڤەری هەورامان بووە، له‌ ته‌مه‌نی پێشمه‌رگایه‌تی دووجار بریندار بووه‌، ساڵی ١٩٨٤ لە شەڕی ئەحمەد ئاوا، ساڵی ١٩٨٥ لە بۆسەی سوپای ڕژێمی بەعس لە دەشتی شارەزوور‌.

ساڵی ١٩٨٥ پلەی فەرماندەی کەرتی وەرگرتووە و گوازراوەتەوە بۆ بەتالیۆنی فەیرۆز بیارەیی سەربە هێزی هەورامانی پارتی دیموکراتی کوردستان، ساڵی ١٩٩١ لە ڕاپەڕینە جەماوەرییەکەی خەڵکی کوردستان، لە ئازادکردنی دەڤەری هەورامان، قەزای پێنجوێن و ناڵپاریز، دەشتی شارەزوور، شاری هەڵەبجە، قەزای دەربەندیخان، ناحیەی عەربەت، شاری سلێمانی، شاری کەرکوک بەژداری کردووە.

ساڵی ١٩٩١ لە گرتنەوەی سەربازگەی خالید لە شاری کەرکووک دوابەدوای چوونە ناوەوەی سەربازگەکە دەکەونە بۆسەی سوپای ڕژێمی بەعس، وەهاب عەلی ڕەحمان و شەش لە هاوسەنگەرانی شەهید بوونە و تەرمەکانیشیان بەجێماوە، هاوسەنگەرە شەهیدەکانی بریتی بوون لە ملازم جوامێر، هیوا حەمەعەلی ناسراو بە دکتۆر هیوا، سەردار محەمەد ناسراو بە سەردار بەڵخەی، شەهید وریا، شەهید عابید هەروەها ئەحمەد بەڵخەی و هەورامان عوسمان بە سەختی بریندار بوونە، وەهاب عەلی ڕەحمان یەکێکە لەو شەهیدانەی کە گۆڕی نادیارە.


سه‌رچاوه‌:

ئه‌رشیفی ده‌سته‌ی ئینسكلۆپیدیای پارتی دیموكراتی كوردستان.

 


بابەتی پەیوەندیدار

مستەفا بەگ فەقیانی

مستەفا حاجى عەبدوڵا بەگ مەلاعەزیز، ناسراو بە مستەفا بەگ فەقیانى، ساڵى ١٩٣٩ لە گوندى فەقیانى سەر بە قەزاى ڕواندز پارێزگاى هەولێر لەدایک بووە، ساڵى ١٩٥٦ چووەتە خزمەتى سەربازى لە شارى موسڵ، لە ٨ى ئابى ١٩٧٤ بەهۆی تۆپبارارنى سوپاى عێراق بۆسەر بارەگاى هێزی پێشمەرگە لە هاوینەهەوارى بێخاڵ شەهید بووە.

زانیاری زیاتر

محەمەد حاجى عەبدوڵا بەگ مەلا عەزیز

محەمەد حاجى عەبدوڵا بەگ، ساڵى ١٩٥٧ لە گوندى فەقیانى سەر بە قەزاى ڕواندز لەدایک بووە، دەسگیراندار بووە، سێیەم کوڕى بنەماڵەکەى بووە، لە ٨ى ئابى ١٩٧٤ بەهۆی تۆپبارارنى سوپاى عێراق بۆسەر بارەگاى هێزی پێشمەرگە لە هاوینەهەوارى بێخاڵ شەهید بووە.

زانیاری زیاتر

ڕەسوڵ حەسەن حوسێن فەقیانى

ڕەسوڵ حەسەن حوسێن فەقیانى، ساڵى ١٩٥٥ لەگوندى فەقیانى دۆڵى ئاکۆیان سەر بە قەزاى ڕواندز لە پارێزگاى هەولێر لەدایک بووە، ساڵى ١٩٧٤ پەیوەندى بە هێزی پێشمەرگەى شۆڕشی ئەیلوول کردووە، ساڵى ١٩٧٩ پەیوەندى بە هێزی پێشمەرگەى شۆڕشی گوڵان کردووە.

زانیاری زیاتر

عومەر ئیسماعیل عەلی

عومەر ئیسماعیل عەلی، ساڵی ١٩٩١ پەیوەندی بە ڕیزەکانی پارتی دیموکراتی کوردستان کردووە، لە ڕۆژی ٧ی تشرینی دووەمی ١٩٩٥ لە شەڕی بەرگریکردن لە سەروەری یاسا لە گوندی لێلکان لە دەڤەری سیدەکان بەدەستی چەکدارانی پەکەکە شەهید بووە.

زانیاری زیاتر

عوسمان ئەحمەد هەینی

عوسمان ئەحمەد هەینی، ساڵی ١٩٩١ پەیوەندی بە ڕیزەکانی پارتی دیموکراتی کوردستان کردووە، لە ڕۆژی ١٣ی ئەیلوولی ١٩٩٧ لە شەڕی بەرگریکردن لە سەروەری یاسا لە گوندی نزاریە لە دەڤەری دەشتەهێرتی قەزاى سیدەکان بە دەستى چەکدارانی پەکەکە شەهید کراوە.

زانیاری زیاتر