ژیاننامە
والی ئەحمەد محەمەد سەعید، ساڵی ١٩٦٠ لە گوندی ڕۆستەم بەگی سەر بە ناحیەی خورماڵ لە دایکبووە، گوندنشین بووە و سەرقاڵی کاری جوتیاری بووە، قوناغی خوێندنی سەرەتایی تەواو کردووە، ساڵی ١٩٨٣ شەهید بووە.
خەباتنامە
شەهید والی ئەحمەد محەمەد، ساڵی ١٩٨١ بۆتە پێشمەرگەی لێژنەی ناوچەی هەڵەبجەی سەر بە لقی چواری پارتی دیموکراتی کوردستان، کە لەوکاتدا حیکمەتی مەلا عەلی بەرپرسی ناوچە بووە و بارەگای ناوچە لە کەرەجاڵ بووە، بەشداری لە شەڕی شارباژێڕ و چالاکییەکانی پارتیزانی دەشتی شارەزوور کردووە.
ساڵی ١٩٨٣ بۆ چالاکی لەگەڵ دوو هاوسەنگەری بەناوەکانی مەحمود و وەزیر هاواری چونەتە دەشتی شارەزوور و دوای گەڕانەوەیان لە پشت قەڵای ناحیەی خورماڵ کەوتوونەتە بۆسەی سەربازانی ڕژێمی بەعس و والی ئەحمەد محەمەد شەهید بووە و مەحمود بەسەختی بریندار بووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
