مەنسوڕ شەریف عەبدوڵا ساڵی ١٩٤٦ لە گوندی دەرگاشێخانی سەربە ناحیەی بیارەی دەڤەری هەورامان لە دایکبووە، گوندشین بووە و سەرقاڵی کاری باخداری بووە.
ساڵی ١٩٦٤ بۆتە پێشمەرگە لە پەلی مستەفا کەچەڵ، سەربە هیزی خەباتی پارتی دیموکراتی کوردستان بووە و بارەگایان لە گوندی عەنەبی نزیک شاری هەڵەبجە بووە، بەژداری کردووە لە شەڕی دەربەندیخان و شەڕی چیای زمناکۆ و شەڕی چیای زۆزک.
ساڵی ١٩٧٤ لە کاتی ڕووبەڕوو بوونەوەی سوپای ڕژێمی ئەوکاتی عێراق لە چیای زۆزک، به‌هۆی تۆپبارانی تۆپخانەکانی سوپای عێراق بۆ سەنگەری پێشمه‌رگه، مەنسوڕ شەریف عەبدوڵا شەهید بووە.
سه‌رچاوه:
ئه‌رشیفی ده‌سته‌ی ئینسكلۆپیدیای پارتی دیموكراتی كوردستان.
