ژیاننامە

میرزا عەبدوڵا قادر محەمەد لە ساڵی ١٩٣٧ لە گوندی لاوەرانی سەربە قەزای دەربەندیخان لە دایکبووە، گوندنشین بووە و سەرقاڵی کاری جووتیاری بووە، لە ساڵی ١٩٧٥ ئاوارەی وڵاتی ئێران دەبێت و لە نیشینگەی ئەنزڵی نیشتەجێ بووە، خێزانی میرزا ناوی گوڵباخ عەبدوڵا بووە و سێ کوڕی بە ناوەکانی حەیدەر، مەهدی، سەردار و دوو کچی بە ناوی فەوزیە و عەلیە هەبووە، لە ساڵی ١٩٧٧ شەهید بووە.

خەباتنامە

میرزا عەبدوڵا قادر محەمەد لە ساڵی ١٩٦٣ پەیوەندی بە ڕیزەکانی شۆڕشی ئەیلوول دەکات و لە لەلای جەلال لاوەرانی و سەید بەهادین سەربە ‌هێزی خەبات بە فەرماندەیی عەبدولوەهاب ئەتروشی دەبێتە پێشمەرگە، بەشداری داستانەکانی پردی زەڵم، شەڕی دەربەندیخان، شەڕی هەڵەبجە دەکات، دوای نسکۆ لە ساڵی ١٩٧٥ ئاوارەی وڵاتی ئێران دەبێت و لە نیشینگەی ئەنزڵی نیشتەجێ بووە، لە ساڵی ١٩٧٦ دەگەڕێتەوە عێراق و لە شاری هەڵەبجە لەلایەن ئەمنی شارەوە دەستگیر دەکرێت و دەگوازرێتەوە بۆ شاری بەغدا ماوەی یەک ساڵ زیندانی دەکرێت لە ئەمنی گشتی شاری بەغدا، لە ساڵی ١٩٧٧ دوای ئازادبوونی پەیوەندی کردۆتەووە بە نەجدە ڕەش و سەید بەهادین، هەر لە ساڵی ١٩٧٧ میرزا عەبدوڵا و پۆلێک پێشمەرگە دەچنە گوندی لاوەران بۆ پشوویەکی چەند ڕۆژە، ئاشکرا دەکرێن و هێزێکی زۆری ڕژێمی عێراق چواردەوری گوند دەگرن، دوای ڕووبەڕووبونەوەیەکی قورس میرزا و هاوسەنگەرانی توانیویانە خۆیان لە گوندەکە دەرباز بکەن، دوایی دوورکەوتنەوەیان لە گوندەکە فڕۆکەی ڕژێم بە چەکی ٦٠تیر لێیان دەدات و میرزا و هاوسەنگەرێکی بەناویدەروێش عەبدوڵا شەهید بوون، دوای شەهیدبوونیان سەربازانی ڕژێم تەرمەکانیان بە بەلەم ڕادەکێشن بەناو ئاوی دەریاچەی سیرواندا تا دەگەنە قەزای دەربەندیخان، دواتر لەلایەن شارەوانی قەزای دەربەندیخانەوە لە دەروازەی شارەکە بە خاک دەسپێرن.

سەرچاوە:

ئەرشیفی دەستەی ئینسکلۆپیدیای پارتی پارتی دیموکراتی کوردستان.