محەمەد ئەمین محەمەد، ساڵی ١٩٥٢ لە گوندی کانی وەیسکێی سەربە ناحیەی بەمۆی پاریزگای هەڵەبجە لە دایکبووە، گوندنشین بووە و سەرقاڵی کاری جوتیاری بووە. ساڵی ١٩٧٥دوای نسکۆی شۆڕشی ئەیلوول ئاوارەی وڵاتی ئێران بووە و لە شاری جوانڕۆ نیشتەجێ بووە، ساڵی ١٩٧٧ گەڕاوەتەوە عێراق و بۆ خواروو عێراق ڕاگوازراوه و لە پارێزگای دیوانیە نیشتەجێ بووە، ساڵی ١٩٧٨ دوایی دوو ساڵ مانه‌وه‌ی له دوورخراوه‌یی گەڕاوەتەوە کوردستان و لە شارەدێی زەڕایەن نێشتەجێ بووە، خێزاندار بووە و خێزانی ناوی فاتیمە حەسەن بووە، خاوەنی چوار کوڕ و چوار کچ بووە بە ناوەکانی تاریق، بەختیار، فاروق، سەردار، شیلان، ڕوقیە، نەسرین، پەروین.
ساڵی ١٩٧٤ لە لقی چواری سەربە بەتالیۆنی شەشی بەمۆی هێزی خەباتی پارتی دیموکراتی کوردستان بۆتە پێشمەرگە، ساڵی ١٩٩١ دووباره له هێزی سیروانی پارتی دیموکراتی کوردستان به‌فه‌رمانده‌یی جەلال لاورانی بۆتەوە بە پێشمەرگەی پارتی دیموكراتی كوردستان. لە ئازادکردنی شاره‌كانی هەڵەبجە، دەربەندیخان، کەلار، کەرکووک، کوڵەجۆ، خانەقین به‌ژداری كردووه.
ساڵی ١٩٩١ لە گوندی شێخ باوەی سەربە قەزای خانەقین، کەوتوونەتە بۆسەی هێزی موجاهدینی خەڵق و محەمەد ئەمین محەمەد و چەند هاوسەنگەرێکی شەهید بوونە و یەکێکە لەو شەهیدانەی کە گۆڕی نادیارە.
سه‌رچاوه:
ئه‌رشیفی ده‌سته‌ی ئینسكلۆپیدیای پارتی دیموكراتی كوردستان.
