ژیاننامە
محەمەد ئاغا مەحمود سەعید لە ساڵی ١٩٤٦ لە گوندی زمناکۆی سەربە ناحیەی دەربەندیخان لە دایکبووە، گوندنشین بووە و سەرقاڵی کاری جووتیاری بووە، لە ساڵی ١٩٧٤ ئاوارەی وڵاتی ئیران بووە و لە نیشینگەی دزڵی نیشتەجێ بووە، خێزانی ناوی خەجیجە یوسف و کوڕەکانی حەمەمین، فاروق، فەتاح و کچەکانی ئامینە و بەفراو، لە ساڵی ١٩٨٤ شەهید بووە.
خەباتنامە
محەمەد ئاغا مەحمود سەعید لە ساڵی ١٩٦٧ پەیوەندی بە ڕیزەکانی شۆڕشی ئەیلوولەوە دەکات و لە لقی زمناکۆی سەربە بەتالیۆنی شەشی بەمۆ بە فەرماندەیی فازڵ تاڵەبانی سەر بە هێزی خەبات بە فەرماندەیی عەبدولوەهاب ئەتروشی دەبێتە پێشمەرگە، دوای بەشداریکردن لە سەرجەم ڕووبەڕوبونەوەکانی ڕژێم لەو دەڤەرە پلەی سەرپەلی وەرگرتووە، لە ساڵی ١٩٧٤ ئاوارەی وڵاتی ئیران بووە و لە نیشینگەی دزڵی نیشتەجێ بووە، پەیوەندی لەگەڵ نادر هەورامی دەبێت و لە ساڵی ١٩٧٨ بووتەوە پێشمەرگە لەگەڵ نادر هەورامی و پلەی فەرماندەی دەستە وەردەگرێت، بۆ چالاکی پارتیزانی گەڕاونەتەوە سەر سنوور و ناوچەکانی شارەزوور و هەورامان، لە ساڵی ١٩٨٤ لە کاتی گەڕانەوەیان لە چالاکییەک لە سەرتەکی بەمۆ مینێکی چێندراوی پێدا دەتەقێتەوە و شەهید دەبێت.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
