محەمەد عەلی حسێن عەلی

محەمەد عەلی حسێن ناسراو بە (حەمە چاڵاوی)، ساڵی ١٩٣٩ لە پارێزگای سلێمانی لە دایکبووە، ساڵی ١٩٦١ پەیوەندی بە هێزى پێشمەرگەى شۆڕشی ئەیلوول کردووە، لە ٢٤ی ئایاری ١٩٦٢ شەهید بووە.


شەهید محەمەد عەلی حسێن ناسراو بە حەمە چاڵاوی، ساڵی ١٩٣٩ لە گوندی چاڵاوی سەربە ناحیەی سورداشی قەزای دووکانی پارێزگای سلێمانی لە دایکبووە، گوندنشین و سەرقاڵی کاری جوتیاری و ئاژەڵداری بووە، سەڵت بووە. 

ساڵی ١٩٦١ پەیوەندی بە هێزى پێشمەرگەى شۆڕشی ئەیلوول کردووە و لە مەفرەزەکەی مەلا ڕەسوڵ کە سەربە سەرکردایەتی پارتی دیموکراتی کوردستان بووە بۆتە پێشمەرگە. لە شۆڕشی ئەیلوولدا بەشداری گرتنەوەی بنکەی پۆلیسی گاپیڵۆن، شەڕی تەگەران، شەڕی پێنجوێن و شەڕی ناڵپارێز کردووە.

لە ٢٤ی ئایاری ١٩٦٢ هێزەکانی پارتی دیموکراتی کوردستان هێرشیان کردووە بۆ ئازادکردنی قەزای پێنجوێن، بەڵام بەهۆی زۆری ڕێژەی سەربازی سوپاى عێراق، هێرشی یەکەم سەرکەوتوو نەبووە و هێزێکی تری سەربازی عێراق بۆ پاڵپشتی پێنجوێن کەوتوونەتە ڕێ، مەلا ڕەسوڵ و هێزەکەی دەچنە ناڵپاریز بۆ ڕێگریکردن لە گەیشتنیان بۆ ناو شارى پێنجوێن، سەربازە پاڵپشتیکارەکانی عێراق لە ناڵپارێز کەوتوونەتە بۆسەی هێزەکەی مەلا ڕەسوڵ، دوای ڕووبەڕووبوونەوەیەکی سەخت لە نێوانیان هێزە سەربازییەکەی سوپای عێراق شکاوە، لە ئەنجامی ئەم ڕووبەڕووبوونەوەیە حەمە چاڵاوی شەهید بووە و هاوکات لەگەڵی سێ هاوسەنگەری تری بەناوەکانی مەلا ڕەسوڵ، سدیق ناوشوانی و ئەحمەد شەدەڵە شەهید بوونە.  


سەرچاوە:

١- ئەرشیفی دەستەى ئینسکلۆپیدیاى پارتى دیموکراتى کوردستان.


بابەتی پەیوەندیدار

کەریم ئەحمەد قادر ڕەزا

کەریم ئەحمەد قادر، ساڵی ١٩١٠ لە پارێزگاى سلێمانى لە دایکبووە، کەریم ئەحمەد، ساڵی ١٩٦٨ پەیوەندی بە هێزى پێشمەرگەى شۆڕشی ئەیلوول کردووە، ساڵی ١٩٧٤ لە شەڕی قازانی نزیک ناحیەی پیرەمەگرون شەهید بووە.

زانیاری زیاتر

کاکل ساڵح محەمەد عەبدوڵڵا

کاکل ساڵح محەمەد عەبدوڵڵا، ساڵی ١٩٤٥ لە پارێزگای سلێمانی لە دایکبووە، کاکل ساڵح لە ساڵی ١٩٦٣ پەیوەندى بە هێزى پێشمەرگەی شۆڕشی ئەیلوول کردووە، ساڵی ١٩٦٥ لە شەڕی ڕاوەدوونانی سەرباز و جاشە کۆڵوانە سورەکان لە دەشتی کۆیە بریندار بووە، ساڵی ١٩٦٧ شەهید بووە.

زانیاری زیاتر

نەسرەدین حەمەکاکی مەولود سەلام

نەسرەدین حەمەکاکی، ساڵی ١٩٤٩ لە پارێزگاى سلێمانی لە دایکبووە، ساڵی ١٩٧٨ پەیوەندی بە هێزى پێشمەرگەى شۆڕشی گوڵان کردووە، لە شۆڕشی گوڵاندا بەشداری چالاکییە پارتیزانیەکانی دەشتی کویە و چواردەوری قەزای دووکان و چواردەوری بازیان و تەکیە کردووە. لە ٢ی تشرینی یەکەمی ١٩٨٢ شەهید بووە.

زانیاری زیاتر