شەهید محیەدین مستەفا ساڵح، ساڵی ١٩٢٣ لە گوندی کاولەباسی سەربە شارۆچکەی سیدەکان لە پارێزگای هەولێر لەدایکبووە، گوندنشین و کەسایەتییەکی ناودارى ناوچەکە بووە، خێزانداربووە.
ساڵی ١٩٦٢ پەیوەندیی بە شۆڕشی ئەیلوولەوە دەکات و دەبێتە پێشمەرگە. ساڵی ١٩٧١ بە فەرمانی مستەفا بارزانى دەکرێتە ئامر بەتاڵیون سەر بە بارەگاى بارزانى و لە ژێر چاودێری ئیدریس بارزانى دەبێت و بەشداریی زۆربەی شەڕەکانی دەڤەری سیدەکان و سۆرانی کردووە. دواتر کراوە بە فەرماندەی بەتالیۆن لە هێزی بارزان. ساڵی ١٩٨٢ کاتێک بە سەردان لە ئێرانەوە دەگەڕێتەوە بۆ گوندەکەی خۆیان کە ئەوکات ناوچەی ئازادکراوی شۆڕش بووە، ژمارەیەک بەکرێگیراوى ڕژێمی بەعس هێرش دەکەنە سەر ماڵەکەی و ئاگری تێبەردەدەن و لە ڕووبەڕووبوونەوەیەکی سەختدا ناوبراو شەهید دەبێت.
سەرچاوە:
-
ئەرشیفى دەستەى ئینسکلۆپیدیاى پارتى دیموکراتى کوردستان.
