ژياننامە
شەهید محەمەد ئەبۆزید عيسا ئەبوزێد یێ بەرنیاس ب محو گەودا ل سالا ١٩٥٠ ل گوندێ گهرينوك ل دەڤەرا گوليا ژ مالباتەكا کوردپەروەر هاتیە سەر دونیایێ، سالا ١٩٨٨ێ دگهل خێزان و کهس و کارێن خوە ئاوارەی وەلاتێ توركيا دبن، ل سالا ١٩٨٩ێ رادهستی رژێما بهعس دھێتهکرن و پاش دھێتە ڤهگوھاستن بۆ بهغدايێ و هەر د ڤێ سالێدا دهێتە سێدارەدان.
خەباتنامە
محەمەد ئەبۆزید عيسا ئەبوزێد ل سالا ١٩٦٤ێ پەیوەندیێ ب رێزێن پێشمەرگەی یێ سەر ب ھێزا فارس کورەمارکی ڤە دکەت، ل سالا ١٩٦٩ێ ھەول دا خێزانا خوە ژی ببەتە دناڤ رێزێن شۆرەشێدا بەلێ ژ لايێ ھێزێن رژێمێ ڤە دھێتەگرتن تا بەياننامەيا ١١ ئادارا سالا ١٩٧٠ێ دھێتە ئازاد کرن و بەردهواميێ ددەتە خەباتا خوە تا نسکویا سالا ١٩٧٥ێ، پشتی نسکوێ ب ١٨ روژان ناڤبری دگهل چەند پێشمەرگەيەكان شيان ٤ چالاكیيان دناڤ دوژمنی دا ئەنجام بدەن وەکو کوشتنا سەربازهکێ رژێمێ ل گوندێ کەشانێ و ھەروەسا شيان بوسهيهکێ ل سە رجادەيا سهرەکی يا دناڤبەرا زاخۆ و باتيفا دا ل نێزيک گوندێ بوسهلێ دانن و د ئهڤێ بوسەيێدا ترومبێلەکا سەربازی يا ژ جورێ (ئيڤا) ژناڤ بەن و ٤سەرباز دناڤدا ھاتنە کوشتن و ھهروەسا ل لوفێن دهرکارێ شيايه ئەفسەرەک و سێ پوليسان ب دیل بگرن، ل دهستپێکا شۆرهشا گوڵانێ دبيته ئامر مهفرهزه پشت رێکخراوێن لەشکهری ل سالێن (١٩٧٩-١٩٨٠) ھاتە دامەزراندن، بهرپرسێ رێکخراوا شهھيد (مهحمود يووسف) بووە و چهندين جاران ژلايێ ھێزێن رژێمێ ڤە پلان ھاتييه دانان بۆ ژناڤبرنا وى، ل سالا ١٩٨٥ێ دگهل چهند پێشمەرگەيەكان دناڤبە را گوندێ دێريشك و ئاڤھێ ل دەڤەرا گولييان دكەڤنە دناڤ بوسەياكا ھێزێن رژێمێ دا و د ئهوێ بوسەيێدا سێ جاش دھێنە کوشتن و شهشێن دی دھێنە بريندار كرن و پێشمەرگەیەکیش ب ناڤێ سدقى ئاڤدهل شەھيد دبیت و شههيد محو گهودا د گهل کورێ وی يێ بناڤێ حکمهت دھێتە بريندار كرن. ل سالا ١٩٨٧ێ دبیتە ئامر ھێزێ دهستوەشێن (قوه الضاربه)، ناڤبری بهشداری زێدهتری ژ ١٠٠ چالاکی و داستاناندا کريه پترييا وان ئهوى بخوه سەرپەرشتی کريه و ژ گرنکترين چالاکیێن وی بهرسينگگرتنا ھێرشا رژێمێ بۆ سە ردەڤەرا لێڤێ ناڤدارە ب ھێرشا ئە رمشتێ، داستانا مە زن يا زهمبيل فروشی، داستانا شەرانشێ ٣ سێ جاران، داستانا مەزن يا عومهر ئاغايى، ھهروەسا د سهنگهرێن گهوريا عومهر ئاغايى دا ناڤبری شيا ئهفسەرەکێ ب پلا مقەدم بكوژيت ژبەر ئهڤێ چهندێ ژلايێ جهنابێ ئیدريس بارزانى ڤە دھێتە خهلاتکرن. ل سالا ١٩٨٨ێ دگهل خێزان و کهس و کارێن خوە ئاوارەی وەلاتێ توركيا دبن داكو ژ توركيا بهرەڤ وەلاتێ ئيرانێ ڤه بچن بەلێ ب پلانەکا نيڤدەولەتی بهرامبهر کوژمهکێ مهزن يێ پارەيی ل سالا ١٩٨٩ێ رادهستی رژێما بهعس دھێتهکرن و پاش دھێتە ڤهگوھاستن بۆ بهغدايێ و پشتی بورينا چە ند روژا بڕيارا سێدارەدانێ بۆ دھێتە دهرکرن د مێژوویەکا نە دياردا ل سالا ١٩٨٩ێ دھێتە سێدارهدان.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
