شەهید كەڕوب عەزیز حوسێن فەقیانی لە ١ى حوزەیرانى ١٩٦٣ لە گوندى فەقیانى سەر بە قەزای رواندزی پارێزگای ههولێر له دایكبووە، خێزاندار بووە و خاوەنى دوو کوڕ بووە، دەرچووى قۆناغى ناوەندى بووە. لە ١٣ى ئایارى ١٩٨٣ شەهید کراوە.
ساڵی ١٩٨١ پەیوەندی بە حزبی سۆسیالست کردووە و ساڵى ١٩٨٢ لە هەرێمى ١٢ى هندرێن بۆتە پێشمەرگە. بەشدارى چەندین شەڕى دژى سوپاى عێراق و هێزە بەکرێگیراوەکانى حکومەتى بەعس کرووە، ساڵى ١٩٨٣ بەشدارى شەڕى گوندى فەقیانى دژى هێرشی سوپاى عێراق کردووە، لە ١٣ى ئایارى ١٩٨٣ لە گوندى بنمێردەى سەر بە قەزاى ڕواندز لەلایەن هێزەکانى یەکێتى بەدیل دەگیرێت و لە گوندى ئاڵانەى سەر بەناحیەى خەلیفان گولە باران دەکرێت. تەرمەکەى دەهێندرێتەوە شارى ڕواندز و لە گۆڕستانى گەردە دەرد بە خاک دەسپێردرێت.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
