شەهید فایق ماهر میرزاغا، ناسراو بە فایق ئەرگۆشی، ساڵی ١٩٤٧ لە گوندی ئەرگۆش سەر بە ناحیەی شێروان مەزنی قەزای مێرگەسۆری پارێزگای هەولێر لەدایک بووە، خێزاندار بووە، ساڵى ١٩٨٨ ئاوارەى وڵاتی ئێران بووە، ساڵى ١٩٩١ گەڕاوەتەوە باشوورى کوردستان.
ساڵى ١٩٦١ پەیوەندى بەهێزی پێشمەرگەى شۆڕشی ئەیلوول کردووە و بۆتە پێشمەرگە، بەشدارى شەڕەکانى کردووە. ساڵى ١٩٧٥ دواى نسکۆى شۆڕشی ئەیلوول (١٩٦١- ١٩٧٥) لە دەڤەرى مزوورى مایەوە، ساڵى ١٩٧٨ ئاوارەى سەر سنوورى باکوورى کوردستان بووە، ساڵى ١٩٧٩ پەیوەندى بە هێزى پێشمەرگەى شۆڕشی گوڵان کردووە و بۆتە پێشمەرگە. ساڵى ١٩٨١ گەڕاوەتەوە سەر زێدى خۆى کە ئەوکات ناوچەکە ناوچەى ئازادکراوى ژێر دەستى شۆڕش بوو. ساڵى ١٩٨٨ بەشدارى داستانى خواکوڕکی لە دەڤەرى سیدەکان کردووە.
ساڵى ١٩٩١ بەشدارى ڕاپەڕینى جەماوەرى کوردستانى کردووە و پەیوەندى بە هێزی پێشمەرگەى کوردستان کردووەتەوە و لە هێزی بارزان بووەتە پێشمەرگە.
رۆژی١٤ى تشرینى یەکەمى ١٩٩٥ لە گوندى مێرۆزى دەڤەرى مزوورى لەلایەن چەکدارانى پەکەکە شەهید دەکرێت و تەرمەکەى لە گۆڕستانى زولفەقاڕى شارۆچکەى هەریر بەخاک دەسپێردرێت.
سەرچاوە:
١- ئەرشیفى دەستەی ئینسکلۆپیدیاى پارتى دیموکراتى کوردستان.
