ژیاننامە

شەهيد غازی ساڵح ئالیخان بیگداودی ل سالا ١٩٧٢ێ  ل گوندێ گەليكى ل دەڤەرا بەرواریا ژ دايک بوويە، ل سالا ١٩٨٨ێ دگەل مالباتا خوە ئاوارەيى وەڵاتێ تورکيا دبيت، ل سالا ٢٠١٢ێ دبيتە رێڤەبەرێ ئاسايشا ناحيا کانی ماسێ و ل سالا ٢٠١٤ێ دبيتە رێڤەبەرێ ئاسايشا دەرگەهێ سنووریێ سەر زێری، ل ٨ێ تشرینا ئێکێ٢٠٢٠ێ شەهید دبیت.

خەباتنامە

شەهيد غازی ساڵح ئالیخان بیگداودی ل سالا ١٩٨٧ێ د تەمەنێ ١٥ ساڵيێ دا ل سنوورێ لقا ئێک  دبيته پێشمەرگە، ل سالا ١٩٨٨ێ دگەل مالباتا خوە ئاوارەيى وەڵاتێ تورکيا دبيت پاشان ل سەر فەرمانا سەروک بارزانی دچنە وەڵاتێ ئيرانێ مژيلى دووبارە رێکخستن و ئامادەکاريان دبن بۆ زڤرينه‌ڤە بۆ باشوورێ کوردستانێ، ل سالا ١٩٩٠ێ غازى ئاليخان دگەل برايێن خوە دگەل يەکەمين گورپێ پێشمەرگەيى دووبارە زفرينەڤە بۆ باشوورێ کوردستانێ، ل سالا ١٩٩١ێ دەما سەرهلدانا جەماوەری ل باشوورێ چێبوويى ديسان غازى ئاليخان دگەل برايێن خوە بەژداری کرن و دگەل ئێکەمين گورپێ پێشمەرگەيى ل ناڤ باژێران دا بوويه، پشتی سەرهلدانێ شەهيد غازى ئاليخان وەکو بێتەل دەست بکار بوو ل بارەگايى لقا ئێک ١ و پاشان دبيتە بەرپرسێ رێکخستنا مخابراتا لقا ئێک و بۆ ماوێ ٨ سالان وەکو بەرپرسێ رێکخراوا ل سەر لقا ئێک ڤە کارکرييە، ل سالا ٢٠١٢ێ دبيتە رێڤەبەرێ ئاسايشا ناحيا کانی ماسێ و سالا ٢٠١٤ ێ دبيتە رێڤەبەرێ ئاسايشا دەرگەهێ سنووری يێ سەر زێری، ل ٨ێ تشرینا ئێکێ٢٠٢٠ێ د ريدانەکا تيرورستی دا دناڤ مال و زاروکێن خوەدا و ب دەستێن چەکدارێن پەکەکێ ب گوللە يا نیشانەشکێن دھێتە شەهید کرن.

سەرچاوە:

ئەرشیفی دەستەی ئینسکلۆپیدیای پارتی پارتی دیموکراتی کوردستان.