شەهید عەلی هەمزە ڕەسوڵ مەحمود، ساڵی ١٩٤٨ لە گوندی هەوارەبەرزە سەربە قەزای دووکان لە پارێزگای سلێمانی لەدایک بووە، تا قۆناغی سەرەتایی خوێندووە، خێزاندار بووە.
ساڵی ١٩٦٦ پەیوەندی بە هێزى پێشمەرگەى شۆڕشی ئەیلوولەوە کردووە و بۆتە پێشمەرگە، ساڵی ١٩٧٥ دوای نسکۆی شۆڕش ئاوارەی وڵاتی ئێران بووە، ساڵی ١٩٧٦ گەڕاوەتەوە بۆ باشووری کوردستان، ساڵی ١٩٩١ دوای ڕاپەڕینەکەی باشووری کوردستان، دووبارە پەیوەندی بە ڕیزەکانی پارتی دیموکراتی کوردستان کردووەتەوە، ساڵی ١٩٩٤ لە فەوجی ٢ی لیوای ٧٠ لە سوپای ٦ی سۆران بۆتە پێشمەرگە، لە شەڕەکانی دەڤەری باڵەکایەتی بەشداری کردووە، لە ڕۆژی ١٦ی تەموزی ١٩٩٧ لە شەڕی بەرگریکردن لە سەروەری یاسا، لە شارۆچکەی قەسرێ لەلایەن چەکدارانی پەکەکە شەهید کراوە.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
