عەلی مەحمود مرادخان کەیانی، ساڵى ١٩٤٥ لە گوندی حەسەن ئاوای سەر بە ناحیەى سیروانى پارێزگاى هەڵەبجە لەدایک بووە، بارزانى نەمر نازناوى دایکى کوردستانى بە دایکى عەلى مەحمود بەخشیوە.
ساڵى ١٩٥٩ پەیوەندی بە ڕێکخستنە نهێنییەکانى پارتی دیموکراتی کوردستان کردووە، لە شانەى نهێنى هێزی شەمێرانی سەر بە هێزی خەبات بۆتە ئەندام، ساڵى ١٩٦١ پەیوەندى بە هێزى پێشمەرگەى شۆڕشی ئەیلوول کردووە، لە لقی نەوڕۆلی هێزی شەمێران سەر بە هێزى خەباتی پارتی دیموکراتی کوردستان بۆتە پێشمەرگە.
ساڵى ١٩٦٣ بەشدارى شەڕەکانى داستانى پردى زەڵم و شەڕى چیاى زۆزک لە ناحیەى دیاناى پارێزگاى هەولێر و شەڕەکانى دەڤەرى نەوڕۆڵى و دەڤەرى شەمێرانى لە پارێزگاى سلێمانى کردووە. ساڵى ١٩٦٤ پلەی سەرپەلى لە لقى نەوڕۆڵى هێزى پێشمەرگەى کوردستان وەرگرتووە.
ساڵى ١٩٦٨ لە یەکێک لە شەڕەکان و بەرپەرچدانەوەى هێرشى سوپاى عێراق لە دەشتى شارەزوور فیشەکى بەرکەوتووە و شەهید بووە.
سەرچاوە:
ئەرشیفی دەستەی ئینسکلۆپیدیای پارتی دیموکراتی کوردستان.
