عەبدوڵا ئەحمەد فەقۆ بیەیی لە ساڵی ١٩٣٦ لە گوندی بیێ دەڤەری بارزان سەربە قەزای مێرگەسۆر لە دایكبووە. ساڵی ١٩٤٥ لە نسکۆی شۆڕشی دووەمی بارزان (١٩٤٣- ١٩٤٥) و لە تەمەنی مندالیدا لەگەڵ خێزانەکەی ئاوارەی رۆژهەڵاتی کوردستان بووە.
ساڵی ١٩٦١ بەشداری لە شۆڕشی مەزنی ئەیلوول بە رابەرایەتی مستەفا بارزانیی نەمر دەکات.
ساڵی ١٩٦٣ لە شەری بەناوبانگی دووەمی چیایی پیرس لەبەرگریکردنێکی قارەمانانە بە سەختی بریندار بووە، لەژیانی پێشمەرگایەتیی دا سێ جاربریندار بووە.
ساڵی ١٩٨١ ئاوارەی رۆژهەڵاتی کوردستان (ئێران) بووە، لەوێش وەک پێشمەگەیەکی ماندۆنەناس بەشداری لە شۆڕشی گوڵان كردووە، دوای راپەرینی ساڵی ١٩٩١ گەڕاوتەوە باشووری كوردستان لە قەزای سۆران نیشتەجێ دەبێت.
رۆژی ٥ێ ئابی ٢٠٢٤ لە تەمەنی ٨٨ ساڵیدا بەهۆی نەخۆشی كۆچی دوایی كرد.
لە گۆرستانی گوندی بیەی سەر بە دەڤەری بارزانی قەزای میرگەسۆر بە خاك سپێردرا.
سەرچاوە:
١- ئەرشیفی دەستەی ئینسکلۆپیدیای پارتی دیموکراتی کوردستان.
