ژیاننامە
شه‌هید حەمەد ئەمین تاهیر ساڵح عەلی لە ساڵی ١٩٤٠ لە گوندی چیوەی سەربە دۆڵی بالیسان لە دایکبووە، گوندنشین بووە و سەرقاڵی کاری جوتیاری بووە، تا قۆناغی سه‌ره‌تایی خوێندوویه‌تی، خێزاندار بووه و خێزانه‌كه‌ی ناوی هەمین مەحەمەدە، خاوه‌نی كچ و كوڕێكه به‌ناوه‌كانی خانزاد و مسته‌فا.
خەباتنامە
لە ساڵی ١٩٧١ په‌یوه‌ندی به هێزی پێشمه‌رگه‌ی شۆڕشی ئەیلوول كردووه، لە هێزی دەشتی هەولێر کە لەوکاتدا سابیر شیخ جامی فەرماندی هێز بووە بۆته پێشمه‌رگه.
لە ساڵی ١٩٧٤ لە ڕووبەڕوو بونەوەی سەربازانی ڕژێمی بەعس کە هێرشیان بردۆتە سەر سەنگەرەکانی پێشمەرگە لە چیای شیشار، فیشەک بەر حەمەدئەمین کەوتووە و شەهید بووە، هاوسەنگەرانی تەرمەکەی دەگوازنەوە بۆ گوندی چیوە و لە کاتی بەخاک سپاردنی فرۆکەی ڕژێم بۆمبارانیان دەکات و چەند هاوسەنگەرێکی و گوندنشینانی چیوە بریندار دەبن.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
