شەهید سەیفەدین عادل عاشور، ساڵی ١٩٤٥ لە گوندی ئەرگۆش سەر بە ناحیەی شێروان مەزنی قەزای مێرگەسۆری پارێزگای هەولێر لە دایک بووە. قۆناغەکانى خوێندنى سەرەتایی لە گوندی ئەرگۆش خوێندووە، خێزاندار بووە.
ساڵى ١٩٦١ پەیوەندى بەهێزی پێشمەرگەى شۆڕشی ئەیلوول کردووە و بۆتە پێشمەرگە، بەشدارى شەڕەکانى زۆزک و هندرێن و سەرتیز و گەرووی عومەرئاغاى کردووە. پلەى ئامر فەسیلى لە هێزى باڵەک وەرگرتووە.
ساڵى ١٩٩١ پەیوەندى بە هێزی پێشمەرگەى کوردستان کردووەتەوە و لە هێزی بارزان بۆتە پێشمەرگە، لە ١٨ى تشرینى یەکەمى ١٩٩٥ لە گوندى مێرۆزى ناحیەى شێروان مەزن لەلایەن چەکدارانى پەکەکە شەهید کراوە. لە گورستانی زولفەقاری شارۆچکەى هەریر بەخاک سپێردراوە.
سەرچاوە:
١- ئەرشیفى دەستەی ئینسکلۆپیدیاى پارتى دیموکراتى کوردستان.
