سەباح محەمەد عارف ناسراوە بە سەباح شێخ محەمەوی میری سور، ساڵی ١٩٦٧ لە گوندی میری سوری سەربە ناحیەی خورماڵ لە دایکبووە، گوندنشین بووە و سەرقاڵی کاری جوتیاری بووە، تا قۆناغی سهرهتایی خوێندوویهتی، لە دوای نسکۆی شۆڕشی ئەیلوول ئاوارەی وڵاتی ئێران بووە و لە شاری مەریوان نیشتەجێ بووە.
ساڵی ١٩٨٠ بۆتە پێشمەرگە لە مەفرەزەی غازی شێخ مەحەمەوی میری سوری برای کە سەربە بەتالیۆنی شەهید ئەبوبەکر بانی بنۆکی هێزی سورێنی لێژنە ناوچەی دەربەندیخانی لقی چواری پارتی دیموکراتی کوردستان بووە. بەشداری شەڕی کانێسکان، چالاکی پارتیزانی دەشتی شارەزوور کردووە.
لە ٨ی تشرینی دووەمی ١٩٨١ لە گوندی قایەری مارف لە دەشتی شارەزوور لەگەڵ دوو هاوسەنگەری کەوتوونەتە بۆسەی هیزێكی یهكێتی و سەباح محەمەد و دوو هاوسەنگەری بە ناوەکانی غازی شێخ مەحەمەدی برایی و جەمال بانی بنۆکی شەهید بوونە.
سەرچاوە:
- ئەرشیفی دەستەی ئینسکلۆپیدیای پارتی دیموکراتی کوردستان.
