سلێمان عەبدولڕەحمان تاگۆزی

سلێمان عەبدولڕەحمان محەمەد ناسراوەبە (سلێمان عەبدولڕەحمان تاگۆزی)، پێشمەرگەی شۆڕشی گوڵان بووە، لە ساڵی ١٩٨٣ لەگەڵ دوو هاوسەنگەری لە دەڤەری تاگۆزی کەتوونەتە بۆسەی جاشی ڕژێمی بەعس سلێمان عەبدولڕەحمان تاگۆزی بە برینداری دەستگیر کراوە و دوای یەک ساڵ و سێ مانگ لە گرتووخانەی شاری موسڵ شەهید کراوە.


شەهید سلێمان عەبدولڕەحمان محەمەد، ناسراوە بە سلێمان عەبدولڕەحمان تاگۆزی، ساڵی ١٩٦٢ لە گوندی تۆوشکێنی سەربە ناحیەی بەمۆی پاریزگای هەڵەبجە لە دایکبووە، دانیشتووی شارەدێی زەڕایەن بووە و دووکاندار بووە لەناو بازاڕی زەڕایەن، تاقۆناغی سه‌ره‌تایی خوێندوویه‌تی.

ساڵی ١٩٨١ بۆتە پێشمەرگەی شانەی سەرەکی ڕێکخراوی شەهید شێخ محەمەد کەسەربە هێزی سیروانی پارتی دیموکراتی کوردستان بووە و حەمەی حەمەساڵح گڵەجاڵی بەرپرسی شانەکە بووە و جەلال لاورانی فەرماندەی هێزەکە بووە، بەژداری لە چالاکییە پارتیزانییەکانی دەڤەری شەمێران و تاگۆزی و دەربەندیخان و شاری هەڵەبجە و دەشتی شارەزوور كردووه‌.

لە ٣ی ئایار١٩٨٣ شه‌هید سلێمان و دوو هاوسەنگەری بەناوەکانی غەفور محەمەد گڵەجاڵی و فایەق عەلی غەفور لە نزیک گوندی هۆکانی دەڤەری تاگۆزی سەربە شاری هەڵەبجە، کەوتوونەتە بۆسەی جاشی قەڵخانی کە جاشی ڕژێمی بەعس بوونە، له‌ ئه‌نجامدا ڕووبەڕوو بوونەوە دروست بووە و فایەق عەلی لە سەرەتادا شەهید بووە، دواتر سلێمان عەبدولڕەحمان سلێمان عەبدولڕەحمان تاگۆزی و غەفور محەمەد گڵەجاڵی دوای چەند کاتژمێر ڕووبەڕووبوونەوە بە برینداری لەلایەن جاشەکانەوە دەستبەسەر کراون، سەرەتا لەلایەن سەرۆک جاشەکەوە سەری غەفور محەمەد گڵەجاڵی لە جەستەی جیا کراوەتەوە، دواتر سلێمان عەبدولڕەحمان تاگۆزی بە برینداری لەگەڵ سەری غه‌فور گڵەجاڵی له‌ به‌رانبه‌ر بڕە پارەیەک ڕاده‌ستی سەربازی ڕژێمی بەعس كراون. دوای یەك ساڵ و سێ مانگ لە زیندانی بوون لە گرتووخانەی شاری موسڵ، لە ٢٢ی ته‌مووز١٩٨٤ سلێمان عەبدولڕەحمان تاگۆزی گوله‌ باران كراوه‌ و شەهید بووە.


سەرچاوە:

- ئینسکلۆپیدیای پارتی دیموکراتی کوردستان.

 


بابەتی پەیوەندیدار

عەبدوڵا ئاغاى گۆرۆنى

عەبدوڵڵا حەمەد مەلا ئەحمەد، ناسراو بە عەبدوڵا ئاغاى گۆرۆنى، ساڵى ١٩٠٥ لە گوندى گۆرۆنى سەر بە قەزاى چۆمانى پارێزگاى هەولێر لەدایک بووە، ڕیش سپى گوندى گۆرۆنى بووە، ساڵى ١٩٤١ لە تەمەنى لاوێتیدا پەیوەندی بە ڕیزەکانی ڕێکخستنی حیزبی هیوا دەکات...

زانیاری زیاتر

سەبری حەسەن سەبری

سەبری حەسەن سەبری لە ساڵی ١٩٩١پەیوەندی دەکات بەپارتی دیموکراتی کوردستان، لە ساڵی ١٩٩٧ لەشەڕی بەرگری لەسەروەری یاسا لە چیای دڕەبی بەگولەی چەکدارانی پەکەکە شەهید کراوە.

زانیاری زیاتر

خۆشەوی ئەسعەد میر ئەحمەد

خۆشەوی ئەسعەد میر ئەحمەد لە ساڵی ١٩٩١ پەیوەندی دەکات بەپارتی دیموکراتی کوردستان، لە ساڵی ١٩٩٧ لەشەڕی بەرگری لەسەروەری یاسا لە چیای دڕەبی بەگولەی چەکدارانی پەکەکە شەهید کراوە.

زانیاری زیاتر

جەوهەر خدر قادر

جەوهەر خدر قادر لە ساڵی ١٩٩١پەیوەندی دەکات بەپارتی دیموکراتی کوردستان و بۆتە پێشمەرگە، لە ساڵی ١٩٩٧ لەشەڕی بەرگری لەسەروەری یاسا لە چیای دڕەبی بەگولەی چەکدارانی پەکەکە شەهید کراوە.

زانیاری زیاتر

ئەبوبەکر عومەر سێوک لێلکانى

ئەبوبەکر عومەر سێوک لێلکانى، ساڵى ١٩٥٣ لە گوندى لێلکان سەر بە ناحیەى سیدەکان پارێزگاى هەولێر لەدایک بووە، تا قۆناغى سەرەتایی خوێندووە، ساڵى ١٩٨٨ ئاوارەى وڵاتى ئێران دەبێت و لە ئۆردوگاى بارزان ئابادی شارى شنۆ نیشتەجێ دەبێت، ژیانى هاوسەرگیرى پێک هێنابوو و خاوەنى سێ کوڕ و سێ کچە، ساڵى ١٩٩١ دواى ڕاپەڕینى جەماوەرى باشوورى کوردستان دەگەڕێتەوە کوردستان.

زانیاری زیاتر