ساڵح ڕەشید ساڵح ناسراو بە فەقێ ساڵح، ساڵی ١٩٥٠ لە گوندی ڕەزڵەی سەربە ناحیەی ناڵپارێزی قەزای پێنجوێن لە دایکبووە، گوندنشین بووە و سەرقاڵی کاری جوتیاری بووە، قۆناغی خوێندنی سه‌ره‌تایی لە گوند تەواو کردووە و بۆ خوێندنی حوجرەی ئاینی و مەلایەتی ڕووی کردۆتە قەزای پێنجوێن.
ساڵی ١٩٦٦ بۆتە پێشمەرگە لە لقی سێی شێخ محەمەد باساکی کە سەربە بەتالیۆنی ٩ی شەهید دڵشادی هێزی خەباتی پارتی دیموکراتی کوردستان بووە، لەوکاتەدا فەتاح ئاغا فەرماندەی بەتالیۆنی بووە. لە ساڵی ١٩٦٧ پلەی سەرپەل و ئەرکی نووسەرەی لقەکەی وەرگرتووە.
لە٢٤ی ئایاری ١٩٦٩ هێزەکانی ڕژێمی ئەوکاتی عێراق هێرشیان کردۆتە سەر سەنگەرەکانی پێشمەرگە لە چواردەوری ناحیەی خورماڵ، فەقێ ساڵح لە سەنگەری بەرگری گوندی ئاوایی ڕۆستەم بەگ شەهید بووە.
سەرچاوە:
- ئەرشیفی دەستەی ئینسکلۆپیدیای پارتی دیموکراتی کوردستان.
