ژیاننامه
خدر مەحمود مستەفا مهحمود هروری، ل سالا ١٩٤٣ ێ ل گوندێ هرورێ ل دەڤەرا بەرواری بالا هاتە سەر دونیایێ، شەهيدى ل قوتابخانا گوندێ هرورێ دهست ب خواندنا خوهيا سەرەتايێ كرييه، ل سالا ١٩٥٨ێ چوويه ناڤنجيا ئامێديێ داكو بەردەواميێ بدەتە خواندنا خوە پاشی چوويه ئامادەييا دهوکێ و سالا ١٩٦١ێ خواندنا ئامادەيی ب دووماهيک دئينيت، پاشی ل دويڤ بريارا (كومارا ئێراقى) ژماره ٥٧٤، ل روژا ٢٥ شوباتا ١٩٨١ ێ شەهيد خدر هاتە سێدارەدان.
خهباتنامه
خدر مەحمود مستەفا مهحمود هروری، سالا ١٩٦١ پهیوهندی ب رێزێن شۆڕهشا ئهیلوولێ دكهت، چالاكيێن وى يێن بەرچاڤ و شيانێن وی د دەمەکێ کێمدا ناڤودەنگێن وی ل دەڤەرێ بەلاڤ کر، ل سالا ١٩٧٠ێ ژبەر زيرەکى و شارەزاييا وی ل قوتابخانەيا گوندێ هرورێ وەکو ماموستايێ شۆڕەشێ هاتييه دامەزراندن، د ئەڤی بياڤيدا ئانکو د بياڤێ فێرکرنێ ژيدا رولەکێ بەرچاڤ و کاريگەر هەبوويه، ژبەر زيرەكى و کوردپەروەريا وی هەر زوو دبيته بەرپرسێ رێکخراوا پێشکەڤتن ل دەڤەرا زاخۆ و دهوکێ و يێ بەردەوام بوو ل سەر کارێ خوە دناڤا جەماوەريدا.
ژ بەر بزاڤێن وی ل دەڤەرا زاخۆ ژلايێ رژێما بەعس ڤە ل ١٢ێ حوزەيرانا سالا ١٩٨٠ێ دگەل هەشت هەڤالێن دی يێن وی هاتنە گرتن، شەهيد ل گەل هەڤالێن خوە ل گرتيخانا ميسلێ مانە ل بن ئەشکەنجەدانێ و کارێن نارەوايێن رژێما بەعس ڤە، ل روژا ٢٥ شوباتا ١٩٨١ ێ شەهيد خدر هاتە سێدارەدان.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
