ژیاننامە
بەهجەت نایف مەعروف گولی ل سالا ١٩٦٥ ل گوندێ بارھولێ سەر ب ناحيا گوليا ڤە ل قەزایا زاخۆ ژ بنەمالەكا كورد پەروەر ژ دایکبوویە، ل سالا ١٩٨٤ پولا پێنجێ ئامادەیی ب دیماهیک ئینایە، ل سالا ١٩٨٨ دگەل خێزان و كەس و كارێن خو مشەختی توركيا دبيت و ل ئورديگایێ تێلەبەندكريێ دياربەركرێ ئاكنجی دبيت، ل سالا ١٩٩١ ڤەدگەرێتە کوردستانێ، ل شەڤا ١١ ل سەر ١٢ێ حوزەیرانا ١٩٩٧ شەھيد دبیت.
خەباتنامە
ل سالا ١٩٧٧ پەيوەندی ب رێكخستنا نھێنی یا پارتی دیموکراتی كوردستان کر، ل سالا ١٩٨١ بوو بەرپرسێ شانا بزوينەوە، ل سالا ١٩٨٢ بوو بەرپرسێ شانا ئارارات يا (ی . ق . ل . د . ك)، ل سالا ١٩٨٥ دگەھيتە رێزێن شۆرەشا گوڵانێ و دبيتە ئەندامێ لێژنا ناوچا زاخۆ يا (ی . ق . ل . د . ك). ژ بەر زيرەكی و چەلەنگيا خو دوو سوپاسنامێن تايبەت ژ جەنابێ سەروك بارزانی وەردگريت.
بەژداری د شەڕێن شۆرەشا گوڵانێ دا کرییە وەکی داستانا فەوجا شەرانشێ دوو جارا، شەڕێ تانگا زرێزێ، شەڕێ سەرێ بێجانێ و گەلەك شەڕێن دی.
ل سالا ١٩٨٨ ل ئورديگاێێ تێلەبەندكريێ دياربەركرێ وەك پێشمەرگە و كادرەك رولێ خو یێ بەرچاڤ دگريت، ل سالا ١٩٩١ دبيتە ئەندامێ محوەرێ ھێزاوا و پاشی دبيتە ئەندامێ بەشێ رێكخستنا لێژنا ناوچا زاخۆ يا پارتی دیموکراتی کودستان، ل سالا ١٩٩٢ پەيمانگەھا ناڤەنديا كادرا يا ٩ ب دوماھيك دئینت و ب پلا مومتازدەردچيت.
ل سالا ١٩٩٣ ل ھەلبژارتنێن پارتی دیموکراتی کوردستان دبيتە نوينەر بۆ کونگرێ ١١ێ و كارگێرێ لێژنا ناوچا زاخۆ بەرپرسێ بەشێ رێكخستنێ، شەھيد بههجهت نايف بەژداری د بەرەڤانيكرنێ ژ پەرلەمان و حكومەتا كوردستانێ کرییە.
ل سالا ١٩٩٦ بوو ئەندامێ لقێ ١ و بەرپرسێ لێژنا ناوچا ئامێديێ يا پارتی دیموکراتی کوردستان، ل شەڤا ١١ ل سەر ١٢ێ ١٩٩٧ بههجهت نايف شەھيد دبیت.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
