ژیاننامە
باهر عەبدولقادر عەبدولڕەحمان، لە ساڵی ١٩٦٥ لە گوندی بێژاوەی سەربە ناحیەی سیروانی پارێزگای هەڵەبجە لە دایکبووە، خوێندنی قۆناغی سەرەتایی تەواو کردووە، گوندنشین بووە سەرقاڵی کاری جووتیاری بووە، خێزانی ناوی عایشە حەمەدەمینە و خاوەن کچێکە بەناوی بەهار، ساڵی١٩٨٣ شەهید دەبێت.
خەباتنامە
باهر عەبدولقادر عەبدولڕەحمان لە ساڵی ١٩٨١ پەیوەندی بە هێزی پێشمەرگەی سەر بە فەرەیدون جوانڕۆیی دەکات، لە دەستەی پارتیزانیەکانی دەشتی شارەزوور ئەندام بووە، لە ساڵی ١٩٨٣ لە نزیک گوندی ئیمامی زامنی سەربە ناحیەی سیروان، لەگەڵ هاوسەنگەرێکی چاوەڕێی بەلەم دەکەن بۆ پەڕینەوە لە دەریاچەی سیروان، بەڵام لەوکاتەدا فرۆکەی ڕژێمی بەعس بۆمبارانیان دەکات و باهر عەبدولقادر بریندار دەبێت و دوای بە هۆی سەختی برینەکەی لە ڕێگەی بردنی بۆ وڵاتی ئێران شەهید دەبێت.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
