ڕە‌سول حه‌مه‌د ڕەسوڵ ئاغا قرناقەوی، ناسراوه‌ بە (ڕە‌سوی حاجی حمد قرناقەوی)، ساڵی ١٩٦٣ لە گوندی قرناقە (قڕناقاو) لە بناری چیای قەندیل، پارێزگای سلێمانی لە دایکبووە، ساڵی ١٩٧٨ پەیوەندى بە هێزى پێشمەرگەى شۆڕشی گوڵان کردووە، له‌ ساڵی ١٩٨٨ له‌ شەڕی چیای قه‌ندیل شەهید بووە.

دەركەوتنى "ماڵباتی بارزان" لە گۆڕەپانى سیاسی، بۆ نیوەى دووەمى سەدەى نۆزدەیه‌م ده‌گه‌ڕێته‌وه‌؛ واته‌ بۆ ئەوكاتەى ناوچەى بارزان و باشووری كوردستان بەشێكی داگیركراو بوون لە ئیمپراتۆریای عوسمانى

بورهان نەبی خدر بنمێرده‌یی بورهان نه‌بی خدر بنمێرده‌یی، ناسراوه‌ به‌ (بڕكۆ)، ساڵی ١٩٦١ له‌ گوندی بنمێرده‌، له‌ دۆڵی ئاكۆیانی قه‌زای ڕواندز پارێزگای هه‌ولێر لەدایکبووە، ساڵى ١٩٧٧ پەیوەندى بە هێزى پێشمەرگەى شۆڕشی گوڵان کردووە، له‌ مانگی ١ی ١٩٧٩ له‌ به‌نی هه‌ریر شه‌هید بووە.

نەبی حەسەن عەبدوڵا (١٩٢١- ١٩٦٢)، ناسراو بە (نەبی سەر ئاسن)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣- ١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١- ١٩٧٥) کردووە.

مەلکۆ عەباس محەمەدئەمین (١٩٢٨-٢٠١٥) پێشمەرگە و هەڤاڵى بارزانى بۆ یەکێتى سۆڤیەت، یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١- ١٩٧٥) و شۆڕشی گوڵان (١٩٧٩- ١٩٩١) کردووە.

خالید شێخ ئەحمەد مەلا محمد قازی داود، ناسراو بە (خالید ئاژگەیی)، لە سالی ١٩٣١ لە گوندی ئاژگەی سەر بە شاروچکەی پیرمام لە بنەماڵەیەکی ئاینی و کوردپەرور‌ لە دایک بووە. باپیرە گەورەی بە ناوی قازی داود، لە سەردەمی پاشای گەورە میر مەحەمدی سۆران قازی شەرع بووە لە هەریر و هەولێر، کەسایەتیەکی دیار، دەستڕۆیشتوو و خاوەن دەسەڵاتی یاسایی و پێگەی فراوانی جەماوەری و ناوچەکە بووە.

مەل محەمەدئەمین، بەشداری شۆڕشی یەکەمی بارزان (١٩٣١- ١٩٣٢) و شۆڕشی دووەمی بارزان (١٩٤٣- ١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦).

میرۆ چیچو چاوشین (١٩٢٢- ٢٠١٩) پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣- ١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١- ١٩٧٥) کردووە.

مستەفا عەبدوڵا فەق نەبی (١٩٣٢-٢٠١٠)، ناسراو بە (مستێ عەولا)، پێشمەرگە و هەڤاڵى بارزانى بۆ یەکێتى سۆڤیەت، یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١- ١٩٧٥) و شۆڕشی گوڵان(١٩٧٩- ١٩٩١) و ڕاپەڕینى ساڵى ١٩٩١ خەڵکى باشوورى کوردستانى کردووە، هەڵگرى میدالیای بارزانییە.

بەرەی کوردستانی وەک هاوپەیمانیەتییەکی سیاسی و سەربازیی فراوان؛ لە نێوان حزبە سەرەکییەکانی باشووری کوردستان، لە کۆتایی هەشتاکانی سەدەی بیستەمدا دامەزرا. ئەم بەرەیە وەک چەترێکی نیشتمانی، وای کرد کوردستانى پێکەوە ڕووبەڕووی سیاسەتەکانی قڕکردنی ڕژێمی بەعس ببنەوە، دەنگی گەلی کورد بگەیەننە ناوەندە نێودەوڵەتییەکان، دواتریش سەرکردایەتی ڕاپەڕینی ساڵی ١٩٩١ و یەکەمین هەڵبژاردنی دیموکراتی لە کوردستاندا بکات.

محەمەدئەمین سەعید عوسمان پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣- ١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١- ١٩٧٥) کردووە.

محەمەد نەجیب محەمەد سەلیم ناسراو بە (محەمەد نەجیب مائی)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦).