ئەڤ پەرتووکە ژ دەرازینک و نە پشکان پێکدهێت کو ب گشتی بەحسا هێرشا دەوڵەتا ئیسلامی ل عێراق و شامێ (داعش) بۆ سەر کوردستانێ دکەت.
پشکا ئێکێ یا ڤێ پەرتووکێ ل سەر ئیسلاما سیاسییە و نە تەوەرا ب خۆڤەدگریت کو بەحسا ڕێکخراوا تیرورستی قاعیدە، رێکارێن ژ بۆ بهێزکرنا هەوا باوەریێ هاتینه وەرگرتن، بەعس و چەکدارێن بیانی و سەلەفیێن جیهادی، پلاندانەرێ دامەزراندنا دەولەتا ئیسلامی ل عێراق و شامێ (داعش)، بیروباوەر و ئایدولوژیا داعش، ژێدەر و داهاتێن دراڤی یێن داعش، ویلایەتێن داعش ل عێراقێ و وەلاتێن عەرەبی و جیهانێ، سەربازگرتنا زاروکان، داگيركرنا عێراقێ و چێکرنا دەولەتا ئیسلامی ل سووریا، دکەت.
پشکا دوویێ بەحسا دەڤەرێن فەقەتیایی ژ کوردستانێ و عەرەبکرنێ دکەت و چار تەوەرا پێکدهێت، قوناغێن عەرەبکرنێ، پلانا هێرشا داعش بۆ سەر کوردستانێ، پشتەڤانیا ئەمریکا و وەلاتێن رۆژئاڤا بۆ کوردان، ئازادکرنا دەڤەرێن ژ کوردستانێ ڤەقەتیایی یێن داعش كونترول کرین.
پشکا سێی ل سەر شنگال ئێزدی و داعشە و پێنج تەوەرا پێکدهێت و بەحسا تیرور و ئاين، هوزێن دەوروبەرێن شنگال و یێن خیانەت ل ئێزدیان کرین، گرنگیا باژێری شنگال بۆ دەولەتا ئیسلامێ (داعش)، خاپاندنا ئێزدیان، دیدەڤان، دکەت.
پشکا چارێ یا ڤێ پەرتووکێ بەحسا داعش و مه سیحیێ دکەت و دوو تەوەرا ب خۆڤەدگریت، ل ژێر دەڤێ شویری بۆسلمان ببه، دیدەڤانیێن راستەوخۆ ژ دەشتا نەینەوا مەسیحی.
پشکا پێنجێ تاوانێن داعش و وێرانکرن و خرابکرنا مزگەفت و بەرستگهێن ئاينی و ب کارئينانا چەکێ کيمياوی ژ لایێ داعش ب خۆڤەدگریت.
پشکا شەشێ بەحسا شەرێ ئازادکرنا دەڤەرێن ژ کوردستانێ ڤەقەتیاییە و سێ تەوەرا پێکدێت، سەرکردایەتیا بارزانی، رێكەفتنا ئەمريكا و حكومەتا هەرێما کوردستانێ، دەربازبوونا له شکەرێ عێراقێ د کوردستانێ را بچیت بۆ ئازادکرنا مووسل.
پشکا حەفتێ بەحسا کوردێن رۆژئاڤا و داعش دکەت و دوو تەوەرا ب خۆڤەدگریت، دامەزراندنا پەیەدێ، كۆمبوونا سەروك مەسعود بارزانی دگەل کوردێن رۆژئاڤا.
پشکا هەشتێ ل سەر شەرێ کوبانێ و هنارتنا پێشمەرگەی بۆ کوبانێ یە و سێ تەوەرا پێکدهێت، بزاڤێن هنارتنا پێشمەرگەی بۆ کوبانێ، تورکیا و داعش، هەلویستێ ئیرانێ و دەولەتا ئیسلامی و کوردستان.
پشکا نهێ بەحسا ئامارێن داعش دکەت و چار تەوەرا ب خۆڤەدگریت، ئامارێن ژمارا ئێزدیان و ژمارا ئاواران، کەمپێن ئاواران بۆ ئێزديان، ریفراندۆم، داستانێن پردێ و سحێلا.