وەرگێڕان

لە ئێوارەی ڕۆژی ٢٥/٧، سەربازگەکەمان تۆپبارانی سەربازگەی فەوجی زاخۆی کرد. لەگەڵ کەوتنەخوارەی تۆپەکان بۆسەر ئامانجەکە، یەکەیەکی ڕەشاشی سریەى پاڵپشتی تەقەى کرد، و فەسیڵی ڕەمەزان حاجی میرزا گولی لەسەر ڕێگەی ڕەشاشە قوڕسەکان و مامناوەندەکان لەسەر ڕێگەی سەربازگەکە لە ئاراستەیەکی دیکەوە لە کەمیندابوو. دووکەڵێکی زۆر لە سەربازگەکە بەرزبووەوە. دوای جێبەجێکردنی ئۆپەڕاسیۆنەکە، فڕۆکەی شەڕکەر لەسەر زاخۆ بە ئاسماندا دەسوڕانەوە و گوللەی ڕووناکییان هەڵدەدا. لە بەیانی ڕۆژی ٢٦/٧، فڕۆکەی شەڕکەر بە بەکارهێنانی بۆمبی قوڕس هێرشیان کردە سەر ناوچەکانی دەوروبەری سەربازگەی زاخۆ. دواتر دوژمن تەواوی گوندی (بێدار)ی مەسیحییەکانى تاڵان کرد و سووتاند کە بەدووری یەک کیلۆمەتر دەکەوێتە باشوری زاخۆ. هێرشە تاوانکارییەکە گەیشتە دێری گوندی ئەخەوى قەدیر و هاووڵاتیانی گوندەکە پەرتەوازەبوون. هەروەها دوژمنان گوندی چەم کورک-یان سوتاند دوای گوندی بێدار و هێشتا دەیان خانەوادە لە دەرەوەی گوندەکەن و عارەبانەی پڕ لە کەلوپەلی ماڵەکانیان گەیشتووەتە خاڵی سنوریی تورکیا. لە ئێوارەی ٢٦/٧ ؛٣ فڕۆکەی جۆری هەنتەر هێرشیان کردە سەر گوندەکانی مام یەزدین و ئاگریان بەردایە کەلوپەلی خەڵکی ناوچەکە. لە هەمان ڕۆژدا فڕۆکەیەکی شەڕکەر هێرشێکی بە بۆمب بۆسەر زاخۆ ئەنجامدا. لە بروسکەکانی داهاتوودا لە وردەکارییەکان ئاگادارتان دەکەینەوە. ئیتر بۆ پێشەوە بە سەرکردایەتی بارزانی.