دەقی نامەکە بە ڕێنووسی نوێ

پیرۆزبایی ئەم ڕۆژە پیرۆزەتان لێدەکەین، لە ھەموو پێشمەرگە قارەمەکانەکانی ی.ش.ک و سەرۆکی پاڵەوانمان و ڕۆڵەی کورد و کوردستان مستەفا بارزانی و پیرۆز بێت لە ھەموو دانیشتوانی کوردستان و گەلی عێراقی خوشەویست بە عەرەب و کورد و ھەموو کەمایەتییەکان و هەروەها دانیشتووانی شاری کەرکوکی خۆشەویست لە کورد و عەرەب و تورکمان مەسیحی و ئاشوری. هەموو سوپا و پۆلیسی وڵات بەیەکجاری لە خۆشیدا بۆ ماوەی ٣ کاتژمێر دەستیان بە تەقەی خۆشی کرد و هەتا نیوەی شەو بە سەر شەقامەکاندا دەڕۆیشتن و دروشمی ''بژی کوردستان، مەلا مستەفای بارزان و بژی برایەتیی کورد و عەرەب بۆ ھەتا ھەتایە''یان دەگوتەوە. هاوڵاتییان بە یەکجاری ورەیان بەرزبوویەوە بە بیستنی ئەو بەیانە میژووییەی کە بۆ گەلەکەمان و گەلی عێراقی خۆشەویست خوێندرایەوە.