ئینسکلۆپیدیای پارتی دیموکراتی کوردستان
Loading
دەرەنجامەکانی سەربەخۆیی هەرێمی کوردستان لەسەر ئاسایشی هەرێمی
حوسێن ئیحسانی
ئەم کتێبە بیستەمین کتێبە لە زنجیرە کتێبی (٦٠ ساڵ بەسەر شۆڕشی ئەیلوول (١٩٦١-١٩٧٥)) و بەرهەمی کۆمەڵێک توێژەرە لە کۆنگرەی زانستیی نێودەوڵەتیی سێیەمی شۆڕشی ئەیلوول، کە وەرچەرخانێک بوو لە مێژووی سیاسیی کورددا. بە هەردوو زمانی کوردی و عەرەبی نووسراوە و پێشەکییەک و وتاری سەرۆک مەسعود بارزانی بۆ بەشداربووانی کۆنگرەکە و هەموو ئەو توێژینەوانەی لە کۆنگرەکەدا خوێندراونەتەوە لەخۆ دەگرێت. کتێبەکە بە گشتی باسی شۆڕشی ئەیلوول و ڕووداوەکانی ١١ی ئەیلوولی ١٩٦١ دەکات کە مەلا مستەفا بارزانی سەرکردایەتیی دەکرد، کە گرنگترین شۆڕشی کوردییە لە سەدەی بیستەمدا بۆ بەدیهێنانی مافە نەتەوەیییەکانی کورد، و یەکەم شۆڕش بوو توانی هەموو ناوچەکانی باشووری کوردستان بگرێتەوە. هەروەها یەکەم شۆڕشی کوردی بوو کە بە شێوازێکی مۆدێرن و سیاسی ڕێکخرابوو و هەموو چینە کۆمەڵایەتی و سیاسی و کولتوورییەکانی کوردی لەخۆ گرتبوو و کاریگەریی لەسەر بەشەکانی تری کوردستان هەبوو، و توانی پەیوەندیی دیپلۆماسی لەگەڵ چەندین دەوڵەت و بزووتنەوەی سیاسیی عێراقی و هەرێمی و نێودەوڵەتی دروست بکات، و هەروەها تا ڕادەیەک توانی دەنگی کورد بگەیەنێتە ڕای گشتیی جیهانی.
