لە کۆمەڵەدا بگەڕێ، بە پۆل، زمان، و بەرواری بڵاوکردنەوە پاڵاوتن بکە.
٢٬٣٨٧ ئەنجام
دوای کۆنتڕۆڵکردنی ناوچەکانی باڵەکایەتی و سیدەکان لەلایەن هێزەکانی پێشمەرگەوە، ڕێبەری شۆڕشی کورد مستەفا بارزانی لەگەڵ هێزێکی پێشمەرگە بەرەو ناوچەی خۆشناوەتی چوون، ئەوەش بەمەبەستی بڵاوکردنەوەی چالاکییەکانی شۆڕش بۆ سەرجەم ناوچەکانی کوردستان بۆ ئەوەی بە یەکگرتوویی لە زاخۆوە تا خانەقین ڕووبەڕووی دوژمن ببنەوە.
ئێدیث مۆبیت، ناسراو بە مادام کۆجێرا، لە ساڵی ١٩٦٩ەوە وەک ڕۆژنامەنووس و وێنەگر کار دەکات، شارەزای کاروباری ڕۆژهەڵاتی ناوەڕاست و کوردستانە. لە ساڵی ١٩٧١ چەندین وتاری لەسەر کوردستان لە ڕۆژنامە و گۆڤارە فەرەنسی و جیهانییەکان بڵاوکردەوە، بەهۆی ئەو خزمەتانەی پێشکەشی کورد و کوردستانی کردووە، لە ساڵی ٢٠١٠ مەدالیای بارزانی پێبەخشرا کە لەلایەن سەرۆک مەسعود بارزانییەوە لە کاتی بەڕێوەچوونی کۆنگرەی سێزدەیەمی پارتی دیموکراتی کوردستان پێشکەشی کرا.
ئەم مەلھەمەیە لە دەشتی هەولێر لە نێوان سوپاى عێراق و هێزی پێشمه‌رگه لە کۆتایی پایزی ساڵی ١٩٦٥ ڕوویدا، سوپاى عێراق هێرشی کردە سەر بنکە و بارەگاکانی هێزی پێشمه‌رگه بۆ کەمکردنەوەی مەترسی لەسەر بیرە نەوتەکانی کەرکووک و دابەزینی یەکەکانی هێزی پێشمه‌رگه بۆ ناو شار و شارۆچکەکان. بەڵام سوپا تووشی شکستێکی گەورە بوو و زیانی ماددی و گیانی زۆری بەرکەوت و لە پێکانى ئامانجەکەیدا سەرنەکەوت.
بیجان جەندۆ عەلی، پێشمه‌رگه و هاوسەنگەری بارزانی بۆ یەکێتی سۆڤیەت، لە ڕیزەکانی هێزی پێشمه‌رگه‌دا مناصبی (سەرقۆڵ - فەرماندەی باڵ) و پاشان (فەرماندەی بەتالیۆن - فەرماندەی فەوج)ی وەرگرت، و دوای گەڕانەوەی لە یەکێتی سۆڤیەت بوو بە مامۆستای زانکۆ لە شاری به‌غدا، ساڵی ١٩٧٩ لە گوندی هۆدەر شەهید بووە.
مەسعود مستەفا بارزانی لە سەرەتای هەڵگیرسانی شۆڕشی ئەیلوول بووە پێشمەرگە و دواتر دەزگای پاراستنی ئاسایشی دامەزراند، و بووە ناوێکی دیار لە شۆڕشدا، بەهۆی بەشداریکردن لە ڕێککەوتنی ١٥ی ئازار و پاشان دوای نسکۆی شۆڕش و نەخۆشیی سەرۆک مستەفا بارزانی، ڕۆڵی زیاتر دەرکەوت لە هەستانەوەی شۆڕش و هەڵگیرسانی شۆڕشی گوڵان.
شەڕی سیناوە و بەردینا لە هاوینی ساڵی ١٩٦٣ لە نێوان هێزەکانی پێشمەرگەی کوردستان و سوپای عێراق بە پشتیوانیی چەکی قورس و تۆپباران و بۆردومانی ئاسمانی لە ناوچەی سپیلک لە ڕۆژئاوای شارۆچکەی خەلیفان ڕوویدا، کاتێک حکومەتی عێراق هەوڵی دا کۆنترۆڵی ناوچەی بارزان بکات، دوای شەڕێکی سەخت و شەهیدبوونی ٨ پێشمەرگە، بڕیاری کشانەوەی هێزەکانی پێشمەرگە لەو شوێنانە درا.
لە کۆتایی ساڵی ١٩٦٨ حکوومەتی عێراق بە یارمەتی و هەماهەنگی چەکدارانی مەکتەبی سیاسی کۆن هێرشێکی پێچەوانەی گەورەیان بۆ سەر ناوچەکانی ژێر کۆنترۆڵی شۆڕشی ئەیلوول دەستپێکرد، توانییان ڕووبەرێکی جوگرافی فراوان لە گەرمیان و قەرەداغ داگیر بکەن، بەڵام سەرکردایەتی شۆڕش هێرشێکی گشتگیری بۆ ئازادکردنی ئەو ناوچانە دەستپێکرد، لە تشرینی دووەمی ١٩٦٩ توانییان کۆنترۆڵی قەرەداغ و چەند ناوچەیەکی دیکە بکەن و هێزەکانیان لەو شوێنانە دەربکەن.
شێخەڵڵا ئیبراهیم شێخەڵڵا لە ساڵی ١٩٤٩ لە پارێزگای هەولێر لەدایکبووە، لە ساڵی ١٩٦٤ پەیوەندی بە ڕیزەکانی پێشمەرگەی کوردستانەوە کردووە، لە ساڵی ١٩٨٠ پەیوەندی بە هێزی پێشمەرگەی گوڵانەوە کردووە، لە ساڵی ١٩٩٢ بە جێگری وەزیری کشتوکاڵ و ئاودێری دانراوە، لە ساڵی ٢٠٠٥ ئەندامی پەرلەمانی کوردستان بووە، هەڵگری مەدالیای بارزانییە.
سیاسەتمەدار و فەریق یەکەم عومەر عوسمان ئیبراهیم، ناسراو بە (ملازم عەلی و زەعیم عەلی)، ساڵی ١٩٦٢ پەیوەندی بە پارتی دیموکراتی کوردستان-ەوە کردووە، لە کۆنگرەی نۆیەم لە ساڵی ١٩٧٩ و لە کۆنگرەی داهەم لە ساڵی ١٩٨٩ و لە کۆنگرەی یازدەیەم لە ساڵی ١٩٩٣ بە عضو کمیته‌ی ناوه‌ندی پارتی دیموکراتی کوردستان هەڵبژێردراوە، و لە کۆنگرەی دوازدەیەم لە ساڵی ١٩٩٩ بە عضو کمیته‌ی ناوه‌ندی و پاشان بە ئەندامی مەکتەبی سیاسی پارتی، و لە کۆنگرەی سێزدەیەم لە ساڵی ٢٠١٠ بە ئەندامی ئەنجومەنی سەرکردایەتی هەڵبژێردراوە، هەڵگری مەدالیای بارزانی نەمرە.
مەلحەمەی چیای هەیبەت سوڵتان لە ٢٥ی حوزەیرانی ١٩٦٣ ڕوویدا، کاتێک حکوومەتی عێراق هەڵمەتی سەربازیی خۆی دژی کوردستان دەستپێکردەوە، سەرەڕای ئەوەی سوپا و جاشەکان لە هێرشی یەکەمدا تووشی شکستێکی گەورە ببوون. بەڵام لە هێرشی دووەمدا، توانییان دەست بەسەر چیای هەیبەت سوڵتاندا بگرن، چونکە هێزی پێشمەرگە بۆ ڕانیە و بێتواتە پاشەکشەیان کرد.
سەلیم دەرباس ناسراو بە (سەعدو کورکی)، ساڵی ١٩٣٧ لە شاری زاخۆ لەدایکبووە، ساڵی ١٩٦١ پەیوەندی بە ڕیزەکانی هێزی پێشمەرگەوە کردووە، ساڵی ١٩٧٠ بووە فەرماندەی کەرتی، ساڵی ١٩٧٩ بەشداری کۆنگره‌ی نۆیه‌می پارتی دیموكراتی كوردستانی کردووە، ساڵی ١٩٨٧ بووە ئەندامی لێژنە ناوچەی و بەرپرسی بەشی سەربازی لە لێژنە ناوچەی زاخۆ، ساڵی ١٩٩٥ پلەی فەرماندەی هێزی ١٧ی لە سوپای یەکەمی زاخۆ وەرگرتووە، خاوەنی مەدالیای بارزانییە، ساڵی ٢٠١٢ کۆچی دوایی کردووە.
بەهجەت عەبدولخالق عەبدولقادر، پێشمەرگە و هاوسەنگەری بارزانی بۆ یەکێتی سۆڤیەت، ساڵی ١٩١٧ لە قەزای ئاکرێ لەدایکبووە و ساڵی ١٩٨٠ کۆچی دوایی کردووە.
