عەبدال له ساڵی ١٩٦٧ له گوندی كانیه‌لنج سه‌ر به قه‌زای مێرگه‌سۆر له‌دایكبووه، تا پۆلی سێی ناوه‌ندی خوێندووه، دوای ئه‌وه‌ی جه‌نگی عێراق- ئێران (١٩٨٠-١٩٨٨) هه‌ڵده‌گیرسێت وه‌كو هاوكارێك بۆ پێشمه‌رگه‌كان و یارمه‌تیده‌ریان ده‌چێته نێو ڕیزه‌كانی پێشمه‌رگه، به‌ڵام له‌به‌ر ئه‌وه‌ی حسۆ كانیه‌لنجی بابی یه‌كێك ده‌بێت له فه‌رمانده‌كانی هێزی بارزان، بۆیه لە هه‌ڵمه‌تی گرتنی مێرگه‌سۆر ساڵی ١٩٨٧ به‌شدار بووه.
ساڵی ١٩٨٧ حكومه‌تی عێراق به هاوكاری جاشه‌كان هه‌وڵی كۆنتڕۆڵكردنی ناوچه سنوورییه‌كان، به‌تایبه‌ت گه‌لی ڕه‌ش ده‌دات، چونكه باره‌گای سه‌ره‌كی هێزیی بارزانی تێدابووه، بۆیه به‌ر له‌وه‌ی ده‌ست به هه‌ڵمه‌ته‌كه‌ی بكات تۆپبارانێكی سه‌ختیان ده‌كات، له ٢١ی تەممووزی ١٩٨٧ له چوارچێوه‌ی تۆپبارانه‌كه له‌گه‌ڵ هه‌ریه‌ك له حه‌سكۆ محه‌مه‌د فه‌قێ كانیه‌لنجی و عه‌لی حاجی به‌رده‌ری، عه‌بدالیش شه‌هید ده‌بێت و، هه‌رسێكیان له گۆڕستانی گوندی ده‌ریاسۆری سنووری ناحیه‌ی سیده‌كان به‌خاك ده‌سپێردرێن.
سەرچاوە:ئەرشیفی دەستەی ئینسکلۆپیدیای پارتی پارتی دیموکراتی کوردستان.