نەجم ڕەسوڵ ئەحمەد، لە ساڵی ١٩٧٣ لە گوندی کانی خانی سەربە قەزای دووکانی پارێزگای سلێمانی لە دایکبووە، دەرچووی قۆناغی سەرەتایی بووە، گوندنشین و سەرقاڵی کاری جوتیاری بووە.
نەجم ڕەسوڵ، ساڵى ١٩٩١ پەیوەندى بە پارتى دیموکراتى کوردستان کردووە و لە لێژنەی ناوچەی دووکانی سەربە لقی چواری پارتی دیموکراتی کوردستان بۆتە پێشمەرگە و بەشدارى ڕاپەڕینە جەماوەرییەکەی خەڵکی کوردستانی کردووە و بەشداری ئازادکردنی شاری سلێمانی، قەزای دووکان، ناحیەی بازیان، قەزای چەمچەماڵ و شاری کەرکووک کردووە.
لە ٢٠ی ئاداری ١٩٩١ و لە ئازادکردنی شاری کەرکووک، لە نزیک بارەگای ئەمنی ڕژێمی بەعس لە شاری کەرکووک گوللەى بەرکەوتووە و شەهید بووە، لەلایەن هاوسەنگەرانى تەرمەکەى دەگوازرێتەوە گوندی کانی خان و لەوێ بەخاکیان سپاردووە.
سەرچاوە:١- ئەرشیفى دەستەى ئینسکلۆپیدیاى پارتى دیموکراتى کوردستان.