Welatiyên gund û deştan piştgiriya rêkeftinnameya 11ê Adarê dikin

Bi navê şêniyên Girêje û Bênecod em piştgiriya daxuyaniya we ya dîrokî ya 11ê Adarê dikin derbarê gelê Kurd de, ku ev piştgiriyeke nû ye ji bo biratiya Ereb-Kurd û yekîtiya neteweyî ya Îraqê. Gelê Kurd û Partiya Dêmokrata Kurdistanê di wê demê de ku piştgiriya daxuyaniyê dike, sozê dide gelê Îraqê ku em ê hemû hewldanên xwe bikin ji bo cîbicîkirina daxuyaniyê û sepandina wê bi naverok û ruhê wê re ligel desthilata neteweyî û Partiya Beis a Erebî ya Îştralkî û hêzên din ên li welat. Gelê me yê Kurd bi yek rêzê ligel birayên xwe yên Ereb li dijî pilanên mêtingerî û paşverûtiyê li ser Îraqa me ya hezkirî radiweste û em ê wek leşkerên dilsoz ji bo yekîtiya neteweyî bimînin. Bijî biratiya Ereb û Kurd. Bi navê wan Hacî Rustem Mihemed, Heme Reşîd Ehmed, Mihemed Salih Hemdî Emîn.