Rola Partiya Dêmokrata Kurdistanê di bizava rizgarîxwaziya gelê Kurd li Başûrê Kurdistanê

Ev pirtûk lêkolîneke dîrokî ya siyasî ye li ser rola Partiya Dêmokrata Kurdistanê di bizava rizgarîxwaziya gelê Kurd li Başûrê Kurdistanê di navbera salên (1976-1991)an de, ji pêşgotinek, kurteya lêkolînê, derwaze, sê beş, pêvek û kurteya lêkolînê bi zimanê îngilîzî, pêk hatiye.

Beşa yekem a vê pirtûkê behsa rola Partiya Dêmokrata Kurdistanê di bizava rizgarîxwaziya gelê Kurd di navbera salên (1976-1979)an de dike û du beşên dihewîne ku li ser rabûna Partiya Dêmokrata Kurdistanê-Îraq li ser asta siyasî û rêxistinên cemawerî, Partiya Dêmokrata Kurdistanê û çawaniya serhildana şoreşa çekdarî û rola Partiya Dêmokrata Kurdistanê di serhildana Şoreşa Gulanê û çalakiyên leşkerî li dijî hikûmeta Îraqê ye.

Beşa duyem li ser rola Partiya Dêmokrata Kurdistanê di bizava rizgarîxwaziya gelê Kurd di navbera salên (1980-1985)an de ye û ji pênc beşan pêk hatiye ku rola Partiya Dêmokrata Kurdistanê di Yekîtiya Berhelstkariya Îraqê û di çalakiyên leşkerî li dijî hikûmeta Îraqê de, û, xwepêşandan û raperînên cemawerî yên Kurdistanê û şerê navxweyî yê Kurdistanê, helwesta Partiya Dêmokrata Kurdistanê di pêşhatên siyasî yên Îraqê û Kurdistanê û hilgirsana şerê Îraq û Îranê, helwesta Partiya Dêmokrata Kurdistanê li hember gotûbêja Yekîtiya Nîştimaniya Kurdistanê ligel hikûmeta Îraqê ye.

Beşa sêyem a pirtûkê behsa rola Partiya Dêmokrata Kurdistanê di bizava rizgarîxwaziya gelê Kurd di navbera salên (1986-1991)an de dike û çar beşên dihewîne wek rola Partiya Dêmokrata Kurdistanê di aşitbûna navbera partiyên siyasî yên Kurdistanê û çalakiyên leşkerî li dijî hikûmeta Îraqê û damezrandina Bereya Kurdistanî û serhildana raperîna Adara 1991ê ya Kurdistanê.