Rola jinê di tevgera rizgarîxwaz de li Başûrê Kurdistanê 1958_1991

Ev pirtûk lêkolîneke akademîk e li ser rola jinê di çalakiyên siyasî de di navbera salên (1958-1991)an de, ji pêşgotinek û dergehek, sê beş, paşkok, belgename û wêneyan pêk hatiye.

Beşa yekem a vê pirtûkê behsa rola jinê di partî û tevgerên siyasî yên Kurdistanî û Îraqî de di navbera salên (1958-1991)an de dike û du teweran dihewîne ku li ser rola jinê di partiyên siyasî yên Kurdistanî û Îraqî de di navbera salên (1958-1975)an de wek Partiya Komunîst a Îraqê û Partiya Dêmokrata Kurdistanê, rola jinê di partiyên siyasî de di navbera salên (1976-1991)an de wek Partiya Komunîst a Îraqê û Partiya Dêmokrata Kurdistanê, Yekîtiya Nîştimaniya Kurdistanê, Partiya Sosyalîsta Dêmokrata Kurdistanê, Partiya Sosyalîsta Kurd (PASOK), rêçika îslamî li Başûrê Kurdistanê û Partiya Zehmetkêşên Kurdistanê ye.

Beşa duyem li ser rola jinan di tevger û rêxistinên pîşeyî û girseyî de ye û ji du teweran pêk tê û behsa tevger û rêxistinên pîşeyî û girseyî di navbera salên (1958-1975)an de wek Yekîtiya Jinên Kurdistanê, Komeleya Berevaniya li Mafên Jinên Îraqê û Tevgera Aştîxwazan li Îraqê, komele û rêxistinên jinan li Başûrê Kurdistanê di navbera salên (1975-1991)an de wek Yekîtiya Jinên Kurdistanê, Komeleya Jinên Kurdistanê, Rêxistina Leyla Qasim, Yekîtiya Jinên Kurdistanê û Rêxistina Pêşengên Jinên Kurdistanê dike.

Beşa sêyem behsa rola jinan di xebata çekdarî û çalakiyên navneteweyî de dike û sê teweran dihewîne û behsa rola jinan di xebata çekdarî ya di navbera salên (1961-1991)an de, rol û beşdariya jinan di çalakiyên navneteweyî de, helwesta hikûmeta Îraqê li hember xebata jinan li Başûrê Kurdistanê di navbera salên (1958-1991)an de dike.