Di koleksiyonê de bigere, bi kategorî, ziman, û dîroka weşanê parzûn bike.
2.343 encam
Bûyerên vê melbendê di meha Çiriya Pêşîn a sala 1963an de li Çemê Rêzan qewimîn, ku Artêşa Iraqê bi piştgiriya hêzeke serbazî ya dewleta Sûriyê êrîşî Çemê Rêzan kir, piştî mehekê ji şer û rûbirûbûnê, Hêzên Pêşmerge ji herêmê vekişiyan û hikûmetê kontrola herêmê girt destê xwe, lê Hêzên Pêşmerge bi şêwazê şerê çeteyî şer berdewam kirin û Artêşa Iraqê aciz kirin, heta ku hikûmet neçar ma bangî diyalogê bike, û di destpêka sala 1964an de agirbest hat ragihandin.
Qanûnnas û siyasetmedar Piştîwan Sadiq Ebdullah, ku bi Piştîwan Xoşnav tê naskirin, sala 1986an bi rêxistinên Partiya Dêmokrata Kurdistanê ve hat girêdan, di Kongreya Sêzdahêm a sala 2010an de wek endame Komîteya Navendî ya Partiya Dêmokrata Kurdistanê hat hilbijartin, di 18ê hezîrana 2014an de bû wezîrê perwerdeyê di kabîneya heştem a hikûmeta Herêma Kurdistanê de, û sala 2019an wek wezîrê karûbarên olî di kabîneya nehem a hikûmeta Herêma Kurdistanê de hat destnîşankirin.
Piştî şerê Zawîteyê di 5 heta 6ê Kanûna Pêşîn a 1961ê de ku tê de hêzên Pêşmerge serkeftineke mezin bi dest xistin, û piştî ku zirarên giran gihandin artêşê û çeteyan, ev yek bû sedema kontrolkirina nahiyeya Sersingê û newala Zawîteyê ji aliyê Pêşmerge ve...
Metîn yek ji çiyayên Kurdistanê yên asê li devera Badînanê ya ser bi nahyeya Amêdiyê ye, herêmeke girîng û stratejîk bû ji bo girêdana Barzan û Badînanê, lewma hikûmeta Îraqê gelek caran êrîşî kir û hewl da desteser bike. Di sala 1963an de, ev herêm, wekî hemû herêmên din, rûbirûyî melbendeke dîrokî ya mezin bû, Artêşa Iraqê bi planeke mezin û berfireh ji çend aliyan ve êrîşî kir da ku çalakiyên Şoreşa Eylûlê li herêmê bi dawî bike û careke din bixe bin kontrola xwe.
Tahir Ezo Xalind, Pêşmerge û hevsengerê Barzanî bo Yekîtiya Sovyetê, sala 1967 li gundê Bîre Sal ji dayik bûye û sala 1967 Şehîd bûye.
Selîm Şêxumer Ehmed, Pêşmerge û hevsengerê Barzanî bo Yekîtiya Sovyetê, sala 1888 li gundê Bêdûdê ji dayik bûye, di şoreşên yekem û duyem ên Barzan de têkoşiyaye, yek ji Pêşmergeyên Komara Demokratîk a Kurdistanê li Mehabadê bûye û sala 1954 li Yekîtiya Sovyetê koça dawî kiriye.
Temir Ehmed Şabaz sala 1952 tevlî rêxistinên Partiya Dêmokrata Kurdistanê bû, beşdarî Şoreşa Eylûlê (1961-1975), Şoreşa Gulanê û raperîna gelê Kurdistanê ya sala 1991ê bû. Sala 1996an, ji bo têkoşîna xwe ya di rêya Kurd û Kurdistanê de, ji aliyê Serok Mesûd Barzanî ve nîşana Barzanî wergirt.
Cewher Mihemed Elî, Pêşmerge û hevsengerê Barzanî bo Yekîtiya Sovyetê, sala 1920 li gundê Têlê ji dayik bûye, beşdarî Şoreşa Eylûlê bûye, sala 1988 li komelgeha Qûştepe koça dawî kiriye.
Çiyayê Gurz dikeve rojavayê bajarê Soran û bakurê bajarê Rewandizê, cihekî girîng û stratejîk e bo bajarê Soran, sala 1974an Artêşa Iraqê hewl da êrîşî bingeh û baregehên Pêşmerge bike bi rêya çiyayê Gurz, Artêşa Iraqê di wê şerî de ziyanên mezin dîtin, ku nêzîkî 40 termên leşkerên xwe li qada şer hiştin.
Tengava Omer Axa dikeve bakurê Deşta Diyana di navbera gundên Badliyan li başûr û Şêxan li bakur de, rêya sereke ya di navbera Soran-Sîdekan de ji vê tengavê derbas dibe, di 6ê Nîsana 1966an de, Artêşa Iraqê bi navê (Tewekkelna Ela Ellah) êrîşeke bejahî û esmanî li ser Hendrîn, Zozik û Tengava Omer Axa pêk anî...
Hikûmeta Îraqê di hezîrana 1974an de êrîşek kir ser Çiyayê Sefîn, tevî ku Pêşmerge di xetên parastinê de xwe girtibûn, lê berdewamiya êrîşên hikûmetê û çekdarkirina wê ya mezin û westandina ku hêzên Pêşmerge dikişandin rê li ber berdewamiya berxwedana wan li vî çiyayî girt, lewma fermandeyên Pêşmerge li wî eksê şer biryara vekişînê dan bo Konfilûse li pişt Çiyayê Horê, ku xetek parastinê heta şikestina şoreşê heta bihara 1975an lê ava kirin.
Haşim Îlyas Silo yê bi navê Mehmûd Êzidî tê naskirin, fermandeyek û Pêşmergeyê Şoreşa Eylûlê û Gulanê bû, di destpêka Şoreşa Eylûlê de di sal 1963 de tevlî Partiya Dêmokrata Kurdistanê bû, yekem gule di Şoreşa Eylûlê de li devera Behdînanê ji aliyê fermandeyê Şehîd û hevalên wî yên têkoşer ve hat teqandin, Mehmûd Êzidî di şeva 18 li ser 19ê Tebaxa 1979an de li eniya Gareyê ji aliyê destên gemar û xwefiroş ve şehîd bû.
