Di sala 1976an de vegeriya rêxistina veşartî ya Partiya Dêmokrata Kurdistanê di rêxistina Rizgarî ya ser bi Şaxa Yekê ve. Di sala 1980yî de vegeriya nava refên Pêşmerge û erkên Pêşmergetiyê di rêxistina Şehîd Xidir Mehmûd de pêk anî, paşê di rêxistina Selahedînê Eyûbî de di sala 1988an de di dema êrîşên Enfalê û êrîşên kîmyayî yên navdar ên li devera Badînanê de bû cîgirê serokê serbazî yê rêxistinê. Bi hejmareke mezin ji Pêşmerge û xelkê herêmê re çû Bakurê Kurdistanê û paşê bo kampa koçberan a Mûşê hat veguhestin. Di sala 1992an de vegeriya Başûrê Kurdistanê û bû fermandeyê yekîneya Pêşmerge li devera Berwarî Bala ya parêzgeha Dihokê. Paşê berpirsiyariya tûgaya 3 li Kesnezan a parêzgeha Hewlêrê jê re hat spartin û di sala 1997an de wek fermandeyê lîwaya 18 di artêşa 14 de hat tayînkirin. Di sala 1998an de wek fermandeyê serbazî di hêzên Zêrevanî de li devera Berwarî Bala hat tayînkirin. Di sala 2000î de bû fermandeyê hêza 7 di artêşa 18 de û di sala 2002an de bû fermandeyê hêzên 6.. Di 14ê tebaxa sala 1998an de, dema ku li stadyuma futbolê ya gundê Betkarê li parêzgeha Dihokê mayînek hildida, mayîn teqiya û di encamê de çavê wî yê çepê û bihîstina xwe ji dest da. Di rêya jiyana xwe ya têkoşîn û Pêşmergetiyê de, beşdarî nêzî 25 şeran bû û heft caran birîndar bû. Di îlona sala 1986an de, du bira û du kurên birayên wî û kurê wî Îsmaîl Betkarî di êrîşên esmanî yên rejîma Iraqê de Şehîd bûne. Birayekî wî yê din bi navê Îzet di kanûna pêşîn a heman salê de Şehîd bû û bavê wî Sadiq Betkar jehrî bû, ku ew bixwe yek ji Pêşmergeyên Şoreşa Eylûlê bû. Li kampa koçberan a Mûşê, Îsmaîl Betkarî ji ber seqetiya xwe bi pileya lîwayî teqawît bû û niha li parêzgeha Dihokê dijî. Di sala 2010an de, ji aliyê Serok Mesûd Barzanî ve di Kongreya 13an a Partiya Dêmokrata Kurdistanê de nîşana Barzanî (medalyaya Barzanî) wergirt.
Çavkanî:1- Arşîva ensîklopediya Partiya Dêmokrata Kurdistanê.