Serbaz Nadir Elî Murad, naskirî bi (Serbaz Hewramî), li bajarê Helebceyê ji dayik bûye, sala 1975an piştî nesko ya Şoreşa Eylûlê ligel malbata xwe awareyê Şahnişîna Îranê bûye, sala 1976an bi navnîşana hevkariyê (Alîkar) karûbarên penaberên Başûrê Kurdistanê li Qaimmeqamiyeta Kerec a ser bi parêzgeha Tehranê birêve biriye. Sala 1991an piştî raperîna cemawerî ya Başûrê Kurdistanê vegeriyaye Kurdistanê. Şarezayê zimanên kurdî û farisî ye.
XebatnameSala 1979an peywendî bi rêzên Partiya Dêmokrata Kurdistanê ve kiriye, sala 1988an kargêrê lijneya Leqa heşt a Partiya Dêmokrata Kurdistanê bûye. Sala 1999an di Kongreya 12an a Partiya Dêmokrata Kurdistanê de wek endamê Komîteya Navendî hatiye hilbijartin.
Di dîroka 28ê tîrmeha 2001ê de beşdarî vekirina kongreya dehem a Yekîtiya Qutabiyên Kurdistanê li hola Rewşenbîrî ya bajarê Hewlêrê kiriye, di dîroka 10ê îlona 2001ê de beşdarî kongreya sêyem a perwerdeyî ya Hikûmeta Herêma Kurdistanê li hola Koleja Endazyariyê ya Zanîngeha Selahedîn (Hewlêr) a bajarê Hewlêrê kiriye, di roja sêşemê 9ê kanûna pêşîn a 2003an de beşdarî di konfransa pêşxistina aboriya Kurdistanê li bajarê Hewlêrê kiriye.
Sala 2010an nûnerê kongreya sêzdehem a Partiya Dêmokrata Kurdistanê li bajarê Hewlêrê bûye.
Ji berhemên wî:1- Barzani yê nemir di 100 saliya bûyîna wî de - 2003.
2- Ezmûna siyasî ya Herêma Kurdistanê - 2007.
3- Proseya siyasî girtina ber rêyên zehmet - 2009.
Çavkanî1- Arşîva Desteya Ensîklopediya Partiya Dêmokrata Kurdistanê.
2- Mihemed Mela Qadir, Salek li Şêx Wesanan û bîranînên rojên awareyî li Îranê, (Hewlêr - Çapxaneya Hacî Haşim - 2016z).